Heta reakcyja ŭładaŭ na šyrokaje pradstaŭnictva Cichanoŭskaj i Łatuški za miažoj.
«Abvinavačanyja Cichanoŭskaja i Łatuška pa ŭzhadnieńni ź inšym udzielnikami zmovy praz parušeńnie patrabavańniaŭ Kanstytucyi Biełarusi stvaryli psieŭdaorhany dziaržaŭnaj ułady i ŭpraŭleńniaŭ i pradstaŭnictvaŭ Respubliki Biełaruś za miažoj. I, praciahvajučy svaje złačynnyja dziejańni, ustupili ŭ pieramovy z pradstaŭnikami zamiežnych dziaržaŭ i mižnarodnych arhanizacyj», — zajaviŭ aficyjny pradstaŭnik SK Siarhiej Kabakovič u efiry «Biełaruś 1».
Heta nie pieršaja kryminalnaja sprava i ŭ Śviatłany Cichanoŭskaj, i ŭ Paŭła Łatuški: aboje jany fihuranty spravy ab «stvareńni ekstremisckaha farmiravańnia z metaj zachopu dziaržaŭnaj ułady niekanstytucyjnym šlacham». Cichanoŭskaja da taho ž abvinavačvajecca ŭ «padrychtoŭcy teraktu hrupaj asob».
U Niurnbierhu abmierkavali płan pryznańnia Łukašenki mižnarodnym terarystam. Pra što damovilisia?
