«Manarch raźličvaje ŭ najlepšaj formie sustreć płacinavy jubilej (70 hadoŭ) znachodžańnia na tronie, jaki adbudziecca ŭ nastupnym hodzie», — skazana ŭ artykule.
Adznačajecca, što rekamiendacyi miedykaŭ nie źviazanyja ź jakim-niebudź zachvorvańniem, a dadzienyja «ŭ metach zaściarohi».
«Karaleva pryniała asabistaje rašeńnie całkam admovicca ad śpirtnych napojaŭ, ale jana nikoli mnoha nie piła», — adznačajecca ŭ publikacyi.
Pa infarmacyi ŚMI, brytanskaja karaleva časam dazvalała sabie čarku pa viečarach, a taksama mahła vypić suchoje marcini pierad abiedam.
Siamidziesiacihodździe svajho ŭstupleńnia na prastoł karaleva Vialikabrytanii budzie śviatkavać letam nastupnaha hoda. Na tronie ŭ 1952 hodzie jana źmianiła svajho baćku Hieorha VI. Tady karalevie było ŭsiaho 25 hadoŭ. Ciapier jana — najstarejšy ź dziejnych kiraŭnikoŭ dziaržaŭ, a jašče jana kiruje krainaj najbolej z usich žyvych manarchaŭ.
