Sam skandał razhareŭsia ŭ pačatku miesiaca. Studenckaja rada paklikała chłopcaŭ i dziaŭčat 2 kastryčnika vyjechać na Forest Kvest — adpačyć na śviežym pavietry ad zaniatkaŭ. U afišy mierapryjemstvy značylisia «novyja znajomstvy, pieśni pad hitaru, vohnišča, padarunki i siurpryzy». A ŭ vyniku atrymaŭsia jašče jaki siurpryz — šmat pravakacyjnych videa, jakija razyšlisia pa telehram-kanałach. 

Pres-słužba BDUIR u adkaz na skandał raspaŭsiudziła zajavu, što kiraŭnictva VNU «viedaje ab hetym incydencie, usio heta hanić imia ŭniviersiteta i jaho studentaŭ, pa hetym fakcie buduć praviedzienyja razbory, i vinavatyja buduć pryciahnutyja da dyscyplinarnaj adkaznaści». 

Ciapier ža telekanał STB atrymaŭ razhornuty kamientar ad rektara VNU, jaki zaŭvažyŭ telehram-kanał «Adličana». Vadzim Bohuš skazaŭ nastupnaje:

— Pa-pieršaje, treba mazhi mieć, kali dureješ. Pa-druhoje, jość rečy, jakija nie pavinny być u pryncypie apubličanyja. Toje, što patrapiła na YouTube, — heta ŭžo naviečna. I moładź pavinna dakładna razumieć, što svavolstvy, jakija jany, mahčyma, rasceńvajuć jak svavolstvy, mohuć vielmi mocna sapsavać žyćcio ŭ budučyni (i heta treba vielmi vyrazna razumieć). Tamu adnaznačna jość peŭnyja vychavaŭčyja zaŭsiody elemienty. Mazhi pavinny pracavać i ŭklučacca. Kali jany nie pracujuć — heta vielmi drenna: śpiecyjalista z takoha čałavieka zrabić nielha.

Bohuš adznačyŭ, što «situacyja vielmi šmat vyklikała niehatyŭnych emocyj u vykładčyckim, studenckim asiarodździ».

— I tyja, chto heta zrabiŭ, prosta nie padumali, što takoje moža być, a vyjšła što jość. I zaraz pryjdziecca vielmi doŭha i ŭparta pracavać, kab (zabycca jano nie zabudziecca) pa mienšaj miery patrebnyja vyniki byli zroblenyja studentami z hetaha.

dev.by udakładniŭ u prarektara vychavaŭčaj rabocie Dźmitryja Kuźniacova, jakaja miera dyscyplinarnaj adkaznaści była ŭžytaja da tych samych studentaŭ. Jon skazaŭ, što studentam abviaścili vymovu, adličany nichto nie byŭ. Patłumačyć, jakija nastupstvy moža mieć hetaja vymova dla studentaŭ u budučyni, surazmoŭca admoviŭsia.

Клас
0
Панылы сорам
0
Ха-ха
0
Ого
0
Сумна
0
Абуральна
0