Pad viečar na sajcie viedamstva źjaviŭsia dakumient «Pieralik arhanizacyj, farmiravańniaŭ, indyvidualnych pradprymalnikaŭ, jakija majuć dačynieńnie da ekstremisckaj dziejnaści». U im užo dźvie arhanizacyi: «Dzie.čat» i «Rabočy ruch/Pašyrany kruhły stoł».
Jašče ŭčora pradstaŭnik HUBAZiK Viačasłaŭ Arłoŭski ŭ efiry STB zajaviŭ, što najbližejšym časam u Biełarusi niekalki telehram-kanałaŭ i čataŭ, pryznanych ekstremisckimi, buduć pryznanyja ekstremisckimi farmiravańniami, a siońnia ŭžo dźvie arhanizacyi ŭ ich liku.
«Telehram-kanał moža pryznavacca jak ekstremisckim materyjałam, tak i ekstremisckim farmiravańniem, — tłumačyŭ Arłoŭski. — Kali ŭ jaho status ekstremisckaha farmiravańnia, to jaho padpisanty sapraŭdy mohuć stać fihurantami kryminalnych spraŭ. Što tyčycca padpiski na kanały, jakija pryznajucca ekstremisckimi materyjałami, to jana pakul nie karajecca».