Dahetul karupcyja ŭ Biełarusi stabilna rasła. U VS dypłamatyčna adznačajuć, što sprava ŭ tym, što pravaachoŭniki stali dziejničać aktyŭniej.
Napraŭdu ž, u pravaachoŭnikaŭ źmiaścilisia pryjarytety. Paśla vybaraŭ asnoŭnyja vysiłki byli nakiravanyja na złačynstvy, źviazanyja z masavymi pratestami, u 2021-m dadałasia ŭzmocnienaja baraćba z ekstremizmam i teraryzmam. Tak adbyłosia pieraraźmierkavańnie śpiecyjalistaŭ i premij za vykananuju rabotu.
Kali kazać pra najbolš karupcyjnyja śfiery, to ŭ peŭny pieryjad było bolš spraŭ suprać rabotnikaŭ mytni, u inšy čas — suprać rabotnikaŭ STA. Takaja śpiecyfika zaležyć ad taho, jakuju śfieru ŭ ciapierašni momant adpracoŭvajuć siłaviki.
Ale tradycyjna najbolš chabaraŭ u budaŭnictvie i pramysłovaści.
Samyja raspaŭsiudžanyja vypadki — adkaty za vyjhryš tendara, apošnija hady raście kolkaść adkataŭ za toje, kab dziaržaŭnaje pradpryjemstva raźličyłasia z pastaŭščykom, śpis zapazyčanaściaŭ doŭhi.
Samyja rezanansnyja spravy, jak udakładniajuć u Viarchoŭnym sudzie, źviazanyja z zakupkaj abstalavańnia, časam pamier chabaraŭ składaje miljony dalaraŭ.
Letaś kolkaść asudžanych za karupcyju skłała kala 2% ad usich asudžanych, krychu bolš za 630 čałaviek. U 2019 hodzie było 1007 asudžanych, u 2018 — 1005.
Centr novych idej pravioŭ daśledavańnie ab prablemach riohijonaŭ. Dyk voś, karupcyja — u topie, 93% apytanych ličać, što ŭzrovień karupcyi ŭ ich rajonie «dakładna vysoki». 72% apytanych ličać, što bolš za ŭsio złačynstvaŭ u miascovych orhanach ułady, 30% — u biznesie, 29% — u žyllova-kamunalnaj haspadarcy, 24% — u adukacyi, 21% — u budaŭnictvie i absłuhovańni daroh.
