Pra płanavuju mieddapamohu
Alaksandr Łukašenka zapatrabavaŭ nie admianiać akazańnie płanavaj mieddapamohi.
«Vielmi važnaje pytańnie, na jakoje ja chacieŭ źviarnuć uvahu. Zusim niadaŭna Ministerstva achovy zdaroŭja paviedamiła ab tym, što spynieny płanavyja ahlady. Dyk voś, Alaksandr Mikałajevič, vam jak pamočniku daručeńnie: razam ź Ministerstvam achovy zdaroŭja nieadkładna padrychtavać płan mierapryjemstvaŭ, kab nie było admieny nijakich płanavych ahladaŭ. Ja viedaju, u što heta vylivajecca, pa pieršaj chvali, — daručyŭ Łukašenka. — Tamu vy pieršy, Pinievič - druhi. Uračy, čynoŭniki ad achovy zdaroŭja, jakija siadziać tut, - u palikliniki i prymajcie ludziej. Viadzicie dyspansieryzacyju».
Alaksandr Łukašenka adznačyŭ, što kali razmova idzie ab niekatorych vidach reabilitacyi, naprykład, nieabchodnaści raspracoŭvać nohi abo ruki, to ŭ ciapierašnich umovach heta, mahčyma, treba rabić i ŭ damašnich umovach pry ŭdziele svajakoŭ. «A tam, dzie treba kansultavać ludziej i pravodzić płanavyja apieracyi, navat płanavyja kansultacyi, mnie płan na stoł. Nijakaj admieny płanavych manipulacyj, apieracyj, kansultacyj być nie pavinna», - padkreśliŭ jon.
«Nie treba pa 7-10 dzion trymać ludziej u balnicy»
Łukašenka papiaredziŭ ministra achovy zdaroŭja, što praciahłaść znachodžańnia pacyjentaŭ u stacyjanary budzie ŭziataja na asablivy kantrol.
«Špitalizujem pry peŭnych pakazčykach. Lečym. Pajšła narmalnaja dynamika, zdaravieje čałaviek i možna nie kapać i inšaje — dadomu. Nie treba pa 7-10 dzion trymać ludziej, jakija nie majuć patreby ŭ takoj praciahłaj špitalizacyi», — padkreśliŭ Alaksandr Łukašenka.
Jon adznačyŭ, što reabilitacyju hramadzianie mohuć prachodzić i ŭ tych ža sanatoryjach. «Tamu jašče raz patrabuju ad vas: nie pieratrymlivać ludziej u balnicach. Tak, u nas tolki pałova łožkaŭ zadziejničana pad kavid, ale nie treba zabyvać, što ludzi chvarejuć i inšymi chvarobami: i ankałohija, i astma, sardečna-sasudzistyja. Ich ža taksama treba lačyć», — źviarnuŭ uvahu palityčny dziejač.
Pra miedykaŭ-piensijanieraŭ
Jon taksama źviarnuŭ uvahu na vopyt Rasii, dzie zaprasili piensijanieraŭ, jakija pracavali ŭ miedycynskaj śfiery. «I ŭ Rasii ludzi adhuknulisia. I ŭ nas šmat na piensii jość uračoŭ. Jany nie ŭsie viernucca ŭ kliniki, kab dapamahčy. Dy ŭ nas i nie treba ciapier heta. Ale płanavyja ahlady i mierapryjemstvy, jakija vy ŭčora admianili, zrabicie, kab jany viarnulisia», - skazaŭ palityk.
«Alaksandr Mikałajevič, adkazvajecie za heta hałavoj. Ludzi majuć patrebu nie prosta ŭ miedycynskaj padtrymcy. Kali jany da vas prychodziać, pahavorać z vami, im užo lahčej budzie. U asnoŭnym ža heta staryja. Rašeńnie pryniata. Zajmajciesia. Asobna mnie na nastupnym tydni dałožycie», — reziumavaŭ Alaksandr Łukašenka.
Pra vakcynu
«Jakuju možna zrabić vysnovu - vakcyna dapamahaje. Prynamsi nam treba pražyć asieńnie-zimovy pieryjad da nastupnaha leta. Vakcyna tut nam dobraja padmoha. Dalej žyćcio nam pakaža, jak dziejničać, što nam rabić. I my mudra zrabili, kali damovilisia, što my svaju vakcynu, jakuju my ŭ prabircy ŭžo majem, vypuścim u abarot u 2023 hodzie», - skazaŭ Alaksandr Łukašenka.
Jon nahadaŭ, što heta rašeńnie matyvavana tym, što na toj momant, mahčyma, budzie zusim inšy štam kavidu. «I siońnia bačym, što jon moža być. My ŭžo 4 abo 5 štamaŭ pieražyli. Siońnia delta-štam. Tamu my jakraz vyrabim svaju vakcynu i prystasujem jaje da taho virusa, jaki budzie cyrkulavać u 2023 hodzie», - zajaviŭ palityk.
Ab prahnozach
«Situacyja zrazumiełaja. Ja niedzie tydni dva tamu čarhovy raz dapytvaŭ (inakš nie skažaš) ministra achovy zdaroŭja. My pryjšli abodva da adnoj vysnovy, što hety tydzień i nastupny buduć vielmi pakazalnyja ŭ lačeńni ludziej, i pierš za ŭsio ŭ lačeńni karanavirusnaj infiekcyi», - skazaŭ Łukašenka.
«U mianie paśla siońniašniaha abmierkavańnia heta ŭražańnie (abo taki aściarožny prahnoz) uzmacniłasia. Hety i nastupny tydzień daduć nam vynik», - zajaviŭ Alaksandr Łukašenka.
Pra śpiekulacyi
«Kavid u pieršaje pryšeście, vy pamiatajecie, vykarystoŭvaŭsia palityčna, i my jakraz padpali pad heta - u nas była elektaralnaja kampanija. Samym hałoŭnym tryhieram byŭ kavid. Kamu heta niezrazumieła? Pačynajecca palityčny šantaž i vykarystańnie voś u hetu chvalu. I nam pažadana chutčej prajści i vytrymać u hety składany čas», — adznačyŭ palityk.
Pra «kišeni niahodnikaŭ»
Alaksandr Łukašenka zapatrabavaŭ stroha spyniać fakty, kali chto-niebudź va ŭmovach pandemii sprabuje nažycca na zdaroŭi ludziej, u razy zavyšajučy košt tych ci inšych pasłuh.
«Kali vy bačycie, što niechta pakłaŭ u kišeniu, jak vy skazali, 500 tysiač abo miljon rubloŭ, dyk vy dastańcie. U vas dastatkova paŭnamoctvaŭ. Pavyvaročvajcie kišeni», — skazaŭ Łukašenka.
«Tamu što kali niahodniki ŭžo nažyvajucca na zdaroŭi ludziej, kali napružana ŭsio da miažy… Uvieś śviet na dybki staŭ. My niemałyja hrošy tracim na heta. Dastańcie ich, i prytym pažadana apieratyŭna», — zapatrabavaŭ jon.
«Jakraz razam ź milicyjaj. Zamiest taho kab haniać ludziej za maski (heta z zaŭtrašniaha dnia budzie spyniena). U milicyi vyzvalacca ludzi. I dastańcie ich kožnaha. A potym my dojdziem da hubiernataraŭ i kankretnych ludziej, jakija tam pavinny heta ŭsio kantralavać», - dadaŭ Alaksandr Łukašenka.
Pra rehijanalnyja štaby
Łukašenka źviarnuŭ uvahu, što ciapier štaby pa reahavańni na situacyju z COVID-19 nie zadziejničany na poŭnuju moc. «U mianie takoje ŭražańnie, što vy nie ŭ poŭnaj miery, miakka kažučy, zaprehlisia ŭ hetyja kalosy. My pakul pracujem nie z poŭnaj addačaj i nie ŭ poŭnym abjomie. Ale chaču vas papiaredzić, što pierš za ŭsio vy niesiacie adkaznaść za tuju vobłaść, kudy vy nakiravany», - adznačyŭ palityk.
Pavodle jaho słoŭ, mienavita profilnyja śpiecyjalisty štaboŭ adkazvajuć za pryniaćcie nieabchodnych mier u procidziejańni karanavirusu, a potym užo hubiernatary. «Čamu? Tamu što funkcyi i roli zusim inšyja. Vy - śpiecyjalisty. Vy viedajecie, jak lačyć, - skazaŭ Łukašenka, źviartajučysia da śpiecyjalistaŭ rehijanalnych štaboŭ. - Vy pavinny prakantralavać, dzie čaho nie chapaje».
«Vy pavinny bačyć, čaho nie chapaje, padkazać, a hubiernatar u vas tam, na miescy, - heta vaša pravaja ruka ŭ hetym pytańni. Jon vaš pamočnik, vaš zabieśpiačeniec. Lakarstvy, srodki indyvidualnaj achovy, ŠVŁ, kisłarod i inšaje - jon pavinien chutka vyrašyć hetyja pytańni», - pradoŭžyŭ Alaksandr Łukašenka.
Łukašenka zaniaŭsia kavid-prafiłaktykaj nasielnictva, ale atrymałasia tolki horš. Što jon skazaŭ
«Vaźmicie Łatviju». Nasamreč, lišniaja śmiarotnaść ad kavidu ŭ Łatvii ŭ piać razoŭ mienšaja, čym u Biełarusi
