U Biełarusi kryptavalutaj vałodaje 352 tysiačy 498 čałaviek. U vyniku Biełaruś apynułasia na 18 miescy ŭ śviecie pa kolkaści kryptavalutčykaŭ.
Jak adznačajecca ŭ rejtynhu, Biełaruś słavicca spryjalnymi ŭmovami dla viadzieńnia kryptabiznesu, ale nie ŭvachodzić u top najlepšych. U pieršuju čarhu heta źviazana z zabaronaj na apłatu praduktaŭ ci lubych pasłuh kryptavalutaj, kali kampanija nie źjaŭlajecca rezidentam PVT. Pry hetym tranzakcyi z tokienaŭ nie patrabujuć vypłaty PDV, što značna palapšaje pazicyi kryptabiznesu ŭ Biełarusi.
Pieršaje miesca ŭ rejtynhu ŭładalnikaŭ kryptavaluty zaniała Ukraina. Tam, pa danych płatformy, pražyvaje bolš 5,5 młn uładalnikaŭ kryptavalut. I choć u absalutnym vymiareńni heta mienš, čym u Indyi, Rasii, ZŠA ci Nihieryi, pa adsotku nasielnictva, jaki vałodaje ličbavymi aktyvami, Ukraina akazałasia lidaram śpisu, achapiŭšy kryptavalutyzacyjaj 12,73% nasielnictva.
Na druhim miescy rejtynhu Rasija, dzie naličvajecca 17,3 młn uładalnikaŭ kryptavalut (11,91% ad nasielnictva). Na treciaj pazicyi — Vieniesueła, jakaja maje 2,9 młn kryptavalutčykaŭ, što składaje 10,34% usich žycharoŭ.
