LETA
Kamiendanckaja hadzina budzie dziejničać z 20:00 da 5:00. Vychodzić dazvolena tolki ŭ vypadkach abhruntavanaj nieabchodnaści.
Zabarona na pierasoŭvańnie padčas dziejańnia kamiendanckaj hadziny nie raspaŭsiudžvajecca:
— na tych, chto jedzie abo viartajecca z pracy ci słužby. Pryčym treba pradstavić paśviedčańnie, dzie ŭkazać imia, proźvišča, piersanalny kod, miesca žycharstva abo znachodžańnia, pryčynu i čas vychadu na vulicu, nazvu, adras miesca pracy, pracadaŭcy i kantaktnyja numary telefonaŭ,
— tyja, kamu nieabchodna atrymać miedycynskija pasłuhi (u tym liku pryščepku ad COVID-19), psichałahičnuju dapamohu, ci tyja, kamu treba atrymać pasłuhi vieterynarnaj miedycyny dla svajho hadavanca, naviedać kruhłasutačnuju apteku:
— tyja, kamu treba prybyć u aeraport, port, čyhunačny vakzał abo aŭtavakzał, abo viarnucca adtul. Ale taksama pavinna być paśviedčańnie ź piersanalnym kodam, miescam žycharstva, pryčynaj i časam vychadu na vulicu, miescam atrymańnia pasłuhi.
Z 20:00 da 5:00 pasłuhi taksi i kamiercyjnyja pieravozki na lehkavych aŭto mohuć akazvacca tolki žycharam, u jakich jość pieraličanyja vyšej pryčyny vyjści na vulicu. U sałonie taksi moža znachodzicca tolki adzin čałaviek (dapuskajecca — ź dziciem ci z čałaviekam, jakomu ŭ siłu ŭzrostu abo invalidnaści patrebny asistent) abo členy adnoj chatniaj haspadarki.
Škoły: «dystancyjnaje» da 15 listapada, dla 1-3-ch kłasaŭ da 1 listapada.
Praca: niepryščeplenym — uvachod pa testu. Usim, chto moža pierajści na dystancyjnuju pracu, rekamiendujecca heta zrabić. Niepryščeplenyja rabotniki, jakija nie mohuć pracavać dystancyjna, buduć pavinny pakazvać niehatyŭny vynik testa na COVID-19. Test pavinien być zrobleny nie raniej, čym za 72 hadziny da pakazvańnia.
Usie supracoŭniki, jakija pracujuć vočna (uklučajučy vakcynavanych i pierachvarełych) pavinny štodnia paćviardžać u piśmovaj formie, što ŭ ich niama prykmiet vostraha reśpiratornaha infiekcyjnaha zachvorvańnia i što jany nie kantaktavali napramuju z asobami, jakija padlahajuć izalacyi, karancinu abo samaizalacyi.
U sałonach haradskoha i hramadskaha transpartu zmohuć znachodzicca tolki 50% ad praduhledžanaj kolkaści pasažyraŭ. Kali niemahčyma kantralavać pasadku i vysadku, to markirujucca siadziačyja miescy.
Kramy i pasłuhi pieršaj nieabchodnaści:
z 6:00 da 19:00 padčas łakdaŭnu pracavać buduć tolki kramy z tavarami pieršaj nieabchodnaści. Pad vyznačeńnie kram, jakija pracujuć u łakdaŭn, padpadajuć:
kramy, u jakich nie mienš za 70% asartymientu — pradukty charčavańnia; kramy, u jakich nie mienš za 70% — tavary hihijeny; apteki i vieterynarnyja apteki; kramy z kormam dla žyvioł; tavary z optykaj (akulary, linzy i h. d); aŭtazapravačnyja stancyi; miescy handlu presaj i knižnyja kramy; kramy tavaraŭ i pasłuh kamunikacyi; miescy handlu kvietkami; kasy rehijanalnych aŭtavakzałaŭ i čyhunačnych vakzałaŭ (pradajucca kvitki na maršruty ŭnutry krainy).
Adčyniacca kramy zmohuć tolki ŭ 6:00, začynicca buduć pavinny ŭ 19:00.
Vyklučeńnie: aŭtazapravačnyja stancyi i kruhłasutačnyja apteki, miescy pryjomu turystaŭ, centry vakcynacyi ad Covid-19 mohuć pracavać u raniejšym režymie.
Łatvija haryć ad kavidu. A miascovyja, kab nie rabić pryščepki, hatovyja za hrošy zaražacca virusam
