Na praciahu troch tydniaŭ, z 3 kastryčnika, Instytut Robierta Kocha (Bierlin), jaki vyvučaje infiekcyjnyja zachvorvańni i niepieranosnyja chvaroby, kłasifikuje Biełaruś jak krainu z vysokaj ryzykaj zaražeńnia kavidam.
Vysnovami instytuta kirujucca MZS, MUS i Ministerstva achovy zdaroŭja Hiermanii, pieradaje BiełaPAN.
«Biełaruś vielmi paciarpieła ad COVID-19. Nazirajecca vyraznaja tendencyja rostu infiekcyjnaj aktyŭnaści; sistema achovy zdaroŭja adčuvaje ŭsio bolšuju nahruzku», — adznačajecca ŭ rekamiendacyjach MZS FRH padarožnikam.
Tych, chto znachodzicca na terytoryi Biełarusi, zaklikajuć paźbiahać miescaŭ praviadzieńnia demanstracyj i zboraŭ vialikich hrup ludziej, nasić adzieńnie čyrvona-biełych koleraŭ, jakija ličacca «znakam apazicyjnaści».
Padkreślivajecca, što «kab paźbiehnuć kanfliktnych situacyj ź siłavikami tut patrabujecca admysłovaja čułaść».
