13 vieraśnia minułaha hoda na Maršy hierojaŭ u Breście na skryžavańni bulvara Kasmanaŭtaŭ i praśpiekta Mašerava pratestoŭcy vadzili karahod, śpiavali pieśni i tančyli — ich razahnali vadamiotam, a potym zaviali kryminalnuju spravu, nahadvajuć pravaabaroncy.
Siońnia na łavie padsudnych 16 čałaviek, siarod jakich palitźniavolenyja Hanna Baran i Uładzimir Hančaroŭ.
Heta adna z samych masavych «palityčnych spraŭ» u historyi Biełarusi. Śledčyja vyjavili 115 čałaviek, jakija mieli dačynieńnie da hetaha karahoda, 108 ź ich byli vystaŭlenyja abvinavačvańni, a 87 fihurantam užo vyniesieny prysud: ad chatniaj da realnaj «chimii».
