U 27-hadovaha Illi Dziarahina 23 kastryčnika skončyŭsia trochmiesiačny aryšt, jaki jon adbyvaŭ u babrujskim SIZA-5. Dziarahina abvinavacili ŭ tym, što ŭ stanie ałkaholnaha apjanieńnia 16 krasavika 2021 hoda ŭ tralejbusie nieadnarazova vykazaŭ rezkuju i niehatyŭnuju acenku asoby Alaksandra Łukašenki, jakaja naniesła škodu jahonamu honaru i hodnaści i była nakiravanaja na padryŭ jahonaha aŭtarytetu (art. 368 KK). 23 lipienia Illu asudzili da troch miesiacaŭ aryštu i ŭziali pad vartu ŭ zale suda.
23-hadovy žychar Drybina Dźmitryj Kraŭcoŭ na volu vyjšaŭ 24 kastryčnika. Chłopca asudzili na try miesiaca aryštu za abrazu dziaržaŭnaha simvała (art. 370 KK). Padstavaj dla ŭzbudžeńnia kryminalnaj spravy stała toje, što jon razam ź inšaj fihurantkaj spravy na svaim Youtube-kanale «z metaj nadańnia svajmu kanału papularnaści i demanstracyi svajho bluźnierskaha staŭleńnia» pierajnačyli hrafičnuju vyjavu dziaržaŭnaha hierba. Atrymany hrafičny malunak abvinavačanyja vykarystoŭvali paśla ŭ jakaści łahatypa Tieliegham- i Youtube-kanałaŭ, a taksama ŭ videarolikach, jakija jany zahruzili na svoj kanał. Svajo pakarańnie Kraŭcoŭ adbyvaŭ u vaŭkavyskaj kałonii №11.
