«Naftan» i zavod «Palimir», što ŭvachodzić u jahony skład, pačali adhružać kisłarod ŭ balnicy, paviedamlaje «Vieśnik Biełnaftachima». Pieršyja 100 bałonaŭ pastupili ŭ Navapołackuju centralnuju haradskuju balnicu.
Kisłarod vyrablajecca na azotna-kisłarodnaj ustanoŭcy «Naftana» i ŭ cechu №009 zavoda «Palimir». Staić zadača adhružać pa 200 bałonaŭ kisłarodu ŭ sutki.
Raniej paviedamlałasia, što asnoŭny vytvorca kisłarodu AAT «Kryjon» pieravioŭ usie svaje mahutnaści na vypusk miedycynskaha kisłarodu.
