Jak raspavioŭ ministr, užo kala 2,9 miljona biełarusaŭ atrymali chacia b adzin kampanient vakcyny. «U abarocie ciapier znachodzicca miljon doz pieršych kampanientaŭ roznych vakcyn, taksama my płanujem atrymać jašče pastaŭku. Takim čynam, miarkuju, što da zakančeńnia hetaha hoda my budziem mieć ličbu ŭ 5 miljonaŭ vakcynavanych. Heta dazvolić nam spynić epidpraces», — skazaŭ Dźmitryj Pinievič.
Taki prahnoz padajecca bolš čym aptymistyčnym, kali ŭličyć, što, pavodle aficyjnych danych, vakcynacyja nasielnictva Biełarusi ad karanavirusa pačałasia amal 10 miesiacaŭ tamu, 29 śniežnia 2020 hoda, kali ŭ krainu pastupiła pieršaja partyja rasijskaj vakcyny «Sputnik V».
Taksama jon padkreśliŭ, «što tyčycca kitajskaj vakcyny, jana ciapier u bolšaj stupieni nakiravana na pryščepku ciažarnych i mam, jakija kormiać dziaciej. Jana jość, nakiravana ŭ rehijony. Prablem z kitajskaj vakcynaj niama».
