«Tak, u raźvićcio razmoŭ z kancleram Niamieččyny ja prainfarmuju ab abstanoŭcy na hety momant.
Na siońniašni dzień na terytoryi Biełarusi znachodzicca kala 7 tys. biežancaŭ. Ź ich na miažy — u tak zvanym stychijnym łahiery — kala 2 tysiač čałaviek. I ad 200 da 500 čałaviek — pavodle najaŭnaj infarmacyi — taksama znachodziacca na miažy, ale stychijna, u inšych kropkach. Heta biežancy, jakich palaki sprabavali siłaj vykinuć za miežy Polščy paśla taho, jak ludzi tudy ŭžo pranikli», — adznačyła Natalla Ejsmant.
Jana raspaviała, što ŭ chodzie pieršaj razmovy z Anhiełaj Mierkiel miechanizm, jaki prapanavaŭ Łukašenka, byŭ nastupnym:
«Jeŭrapiejski sajuz stvaraje humanitarny kalidor dla 2 tysiač biežancaŭ, jakija znachodziacca ŭ łahiery. My biarem na siabie abaviazacielstva sadziejničać (nakolki heta mahčyma i pry ich žadańni) astatnim piaci tysiačam viarnucca na radzimu. I Anhieła Mierkiel, zhodna z damoŭlenaściami, budzie vieści pieramovy ź ES, u tym liku pa arhanizacyi humanitarnaha kalidora ŭ Niamieččynu».
«Jak bačycie, navat užo na siońniašni dzień, my svaje abaviazacielstvy vykonvajem! Tak, na žal, tolki kala 400 biežancaŭ pahadzilisia viarnucca na radzimu. Usiaho, kali być dakładnymi, u samalocie, jaki palacieŭ siońnia — 374 pasažyry, pieravažna hramadzianie Iraka», - adznačyła pres-sakratar.
Pavodle jaje słoŭ, astatnija, chto znachodzicca ŭ Biełarusi, — praciahvajuć nastojvać na zabieśpiačeńni humanitarnaha kalidora ŭ Zachodniuju Jeŭropu, i pierš za ŭsio ŭ Niamieččynu.
«Heta značyć, pakul jany kateharyčna admaŭlajucca palacieć, ale my budziem nad hetym pracavać. I tym nie mienš, užo možna kazać pra toje, što praca mihracyjnych słužbaŭ Biełarusi sumiesna ź Ministerstvam zamiežnych spraŭ dała vynik. My vykonvajem svaje abiacańni. Prytym, što z boku ES pakul nie vykanana nivodnaha abaviazacielstva», — źviarnuła ŭvahu Natalla Ejsmant.
