Danieści adpaviednuju infarmacyju da kiraŭnictva Dziaržaŭnaha pamiežnaha kamitetu Biełarusi ministr unutranych spravaŭ Maryjuš Kamiński daručyŭ hałoŭnamu kamiendantu polskaj pamiežnaj słužby.
Nahadajem, situacyja na polska-biełaruskaj miažy pačała abvastracca 8 listapada. Kala 10:20 ranicy 8 listapada źjavilisia pieršyja videa z Haradzienščyny, na jakich bačna, jak kałona mihrantaŭ ruchajecca pa prajeznaj častcy darohi ŭ bok punkta propuska «Bruzhi», što na biełaruska-polskaj miažy. Tam byli tysiačy mihrantaŭ.
Mihranty rabili sproby prarvacca na terytoryju Polščy. A ŭ praŭładnych Telehram-kanałach, u aficyjnych miedyja ŭ Biełarusi razhortvałasia aktyŭnaja infarmacyjnaja padtrymka padziej, źviazanych ź mihracyjnymi prablemami, a taksama antypolskaja rytoryka.
U Dziaržpahrankamitecie Biełarusi zajavili, što heta biežancy, jakija chočuć atrymać prytułak u JeC, i Minsk nie budzie pieraškadžać tamu, što jany pakinuć krainu. U Polščy, u svaju čarhu, abvinavacili ŭłady Biełarusi ŭ pravakacyi, zajaviŭšy, što vialikija hrupy mihrantaŭ znachodziacca pad poŭnym kantrolem biełaruskich śpiecsłužbaŭ i armii.
Polšča zakryła ruch praz pamiežny pierachod u Kuźnicy z 7:00 ad 9 listapada.
Na miažy dziejničaje nadzvyčajnaje stanovišča, i praca ŚMI tam niemahčymaja. Žurnalisty atrymlivajuć materyjały pieravažna z sacyjalnych sietak.
U ES zahavaryli ab mahčymym uviadzieńni sankcyj suprać avijakampanij inšych krain za pieravozki mihrantaŭ.
Paźniej Łukašenka i Mierkiel dvojčy abmiarkoŭvali kryzis na miažy pa telefonie.
