Vital Miłonaŭ. Fota «RIA Novosti»

Vital Miłonaŭ. Fota «RIA Novosti»

Vyhladaje, svaimi siłami biełaruskaja prapahanda ź mihracyjnym kryzisam nie spraŭlajecca, pačali padciahvać nieabyjakavych rasijan.

Vital Miłonaŭ — deputat parłamienta ad «Adzinaj Rasii», najbolš viadomy svaimi hamafobnymi i antyzachodnimi zajavami i inicyjatyvami. Učora jon prahulaŭsia pa lesie pobač z pamiežnym punktam «Bruzhi», raskazaŭ žurnalistam na kamieru, u jakich nievynosnych umovach tut davodziłasia žyć mihrantam.

«My sabrali niešta, siońnia pieradamo, tamu što bačyli zusim maleńkich dzietak, jakim patrebnaja dapamoha. I hatovyja taksama prymać udzieł maksimalna razam ź biełaruskimi siabrami, abmiarkoŭvać, jak možam zrabić žyćcio hetych ludziej, jakija tut akazalisia nie pa našaj voli, nie pa našym zaprašeńni, lahčejšym», — cytujuć Miłonava «RIA Novosti». 

Na hetym jaho ekskursija nie skončyłasia, jon padyjšoŭ da kalučaha drotu, za jakim stajali polskija pamiežniki, i źviarnuŭsia da ich. Rytoryka była zusim inšaj, mihrantaŭ jon užo nazyvaŭ zusim inakš:

«Mihranty pryjduć da vas z Zachadu, z Hiermanii. Jany ŭžo ŭsie tam.

Jany buduć jeści vaš chleb, tamu što vy chalaŭščykaŭ hetych zaprasili, nie my. Heta budzie vaša biada.

Vy stali častkaj Jeŭrapiejskaha sajuza — atrymlivajcie. Jany prymusiać vas admovicca ad Chrysta, jany vas prymusiać pryznać *** (niecenzurnaje ŭ značeńni homaseksuałaŭ), adnapołyja šluby. Jany buduć zabirać vašych dziaciej i addavać adnapołym siemjam. Vy chutka staniecie horšymi za apošnich siektantaŭ, tamu što dla vas viera ŭ Chrysta stała mienš važnaj, čym zarobak i abaviazak vykonvać instrukcyi niechryści i sadamitaŭ z Brusiela».

Adznačym, što Polšča — adna z samych relihijnych krain u Jeŭropie, upłyŭ katalickaj carkvy na žyćcio hramadstva nadzvyčaj vysoki.

Pry padtrymcy katalickaj carkvy ŭ Polščy, u pryvatnaści, zrabili bolš žorstkaj zabaronu na aborty. U hetym płanie i ŭ Rasii, i ŭ Biełarusi zakony kudy bolš libieralnyja. 

Клас
0
Панылы сорам
0
Ха-ха
0
Ого
0
Сумна
0
Абуральна
0