Kaliści tut, na Rumiancava, 13 viravała biełaruskaje žyćcio
«Šanoŭnyja siabry! Dla taho, kab vyzvalić usio z našaj siadziby, my arhanizoŭvajem u subotu tałaku. Pačatak u 12 hadzin. Kožny ŭdzielnik zmoža zabrać na pamiać jakuju-niebudź reč, knihu, hazietu. Šmat što budzie vyviezienaje dla zachavańnia», — napisała ŭ siabie ŭ «Fejsbuku» kiraŭnik TBM, eks-deputat Alena Anisim.
Jana taksama spadziajecca, što da kanca miesiaca budzie sabrana 3200 rubloŭ, kab poŭnaściu raźličycca za hety miesiac za arendu siadziby i ŭ śniežni nie mieć nijakich abaviazkaŭ z hetaj pryčyny.
Ofis TBM na vulicy Rumiancava, 13 (stancyja mietro «Płošča Pieramohi») byŭ doŭhija hady adnym z centraŭ biełaruskaj kultury ŭ centry Minska. Tut pravodzilisia prezientacyi knih, časopisaŭ, vystavy, možna było kupić biełaruskija haziety, knihi, znački, muzyčnyja kasiety i dyski.





