Vialikabrytanija, što paćvierdziła pieršyja dva vypadki, u subotu zrabiła bolš žorstkimi svaje praviły pa našeńni masak i testavańni ludziej, jakija prybyli z-za miažy.
Vypadki novaha štama byli paćvierdžany ŭ subotu ŭ Hiermanii i Italii, a Bielhija, Izrail i Hankonh taksama paviedamili, što hety varyjant byŭ znojdzieny ŭ ludziej, jakija prybyli ŭ krainu.
Ministerstva achovy zdaroŭja niamieckaj ziamli Bavaryja abviaściła ab dvuch paćvierdžanych vypadkach u ludziej, jakija prybyli ŭ aeraport Miunchiena 24 listapada. Hetyja ludzi ciapier znachodziacca na izalacyi.
U Italii Nacyjanalny instytut achovy zdaroŭja paviedamiŭ, što vypadak novaha varyjanta byŭ znojdzieny ŭ Miłanie ŭ čałavieka, jaki pryjechaŭ z Mazambika.
Češskija orhany achovy zdaroŭja taksama zajavili, što vyvučajuć vypadak hetaha varyjanta ŭ čałavieka, jaki znachodziŭsia ŭ Namibii.
Taksama štam zafiksavali ŭ Aŭstralii.
Novy varyjant karanavirusa vyklikaŭ hłabalnuju tryvohu, jon ličycca patencyjna bolš niebiaśpiečnym, pakolki ŭ im bolš mutacyj, čym u delty.
