Cistema pieradačy finansavych paviedamleńniaŭ Centrabanka Rasii zmoža častkova zamianić SWIFT. Jana dazvolić vieści raźliki z rasijskimi firmami. Choć praktyka mižnarodnych raźlikaŭ praz hetuju sistemu nie takaja bahataja, i mohuć uźniknuć techničnyja składanaści.

A voś raźliki ź inšymi krainami buduć pad pytańniem.

«Patencyjna prablema moža być vyrašanaja pa schiemie, jakaja była ŭ Iranie. Iranskija banki karystalisia ŭzajemaadnosinami z bankami inšych krain, jakija ad ich imia i za ich rachunak pravodzili płaciažy. 

Naprykład, biełaruskamu kontrahientu treba zapłacić niamieckamu. Tady biełaruski bank, karystajučysia rasijskaj sistemaj, pieraličyć srodki na karyść rasijskaha banka, a toj ad svajho imia — na karyść niamieckaha kontrahienta. Technična heta mahčyma. I mnie zdajecca, što niekatoryja rasijskija banki buduć hatovyja ŭziać na siabie hetuju pasłuhu», — ličyć ekanamist Dźmitryj Kruk.

Całkam rasijskaja sistema SWIFT nie zamienić.

«Kali raptam adklučeńnie zdarycca, usio roŭna niejki čas buduć łahistyčnyja pieraboi, navat z rasijskimi firmami, bo naładka pracedury zajmaje čas. Plus infarmacyjny šok ad takoj padziei. Asabliva zakranie tych, chto maje kantrakty ź inšymi krainami (navat kali paśla jany zapracujuć pa iranskaj schiemie), niekalki tydniaŭ ci miesiacaŭ praciahnucca łahistyčnyja zboi.

I heta budzie istotna daražej dla klijentaŭ, bo dadatkovyja płaciažy pierakładuć na spažyŭcoŭ.

Dla biełaruskich bankaŭ heta z adnaho boku vyjście. Ale bank, jaki sam nie moža pravodzić mižnarodnyja raźliki, niepaŭnavartasny, bank-impatent. 

Stratehičnyja nastupstvy ad adklučeńnia ŭsio adno buduć. Inviestycyjnaje stanovišča bankaŭskaj sistemy, davier da jaje pahoršacca». 

Niehatyŭny momant pierachodu na rasijskuju sistemu — pavyšeńnie zaležnaści ad Rasii. Heta novy łancužok, jaki padviazvaje nas da krainy-susieda.

Praŭda, taki krok z boku Jeŭropy, jak adklučeńnie SWIFT, małavierahodny. Kali prymalisia sankcyi ŭ adkaz na mihracyjny kryzis, heta navat nie razhladałasia.

Dźmitryj Kruk aceńvaje vierahodnaść adklučeńnia ad SWIFT u 30%.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?