BiełTA
Nahadajem, što prajekt zakona byŭ uniesieny deputatkaj Ananič i ŭchvaleny parłamientam.
U prajekcie hienacydam biełaruskaha naroda pryznajucca zabojstvy savieckich hramadzian, jakija pražyvali na terytoryi BSSR, nacystami, ich pamahatymi, nacyjanalstyčnymi farmavańniami ŭ pieryjad Vialikaj ajčynnaj vajny i da 31 śniežnia 1951 hoda.
U Kryminalny kodeks prapanujecca dadać artykuł 130-2, jaki budzie praduhledžvać adkaznaść za admaŭleńnie hienacydu biełaruskaha naroda z pakarańniem da 5 hadoŭ turmy. Za paŭtornaje parušeńnie zakona praduhledžana ad 3 da 10 hadoŭ turmy.
Zhodna z prajektam, Saŭmin budzie prymać miery, kab hienacyd biełaruskaha naroda byŭ pryznany na mižnarodnym uzroŭni.
Historyki krytyčna pastavilisia da apublikavanaha prajekta. Alaksandr Frydman napisaŭ, što takim zakonam Łukašenka «prysvojvaje» achviar Chałakostu, abjaŭlajučy ŭ prapahandysckich metach «biełaruskim narodam» usich hramadzian, jakija pražyvali na terytoryi BSSR padčas vajny i paśla, a słovy «jaŭrei» i «Chałakost» u prajekcie Ananič čakana adsutničajuć.
Biełaruski historyk: «Zakon «Ab hienacydzie biełaruskaha naroda» — heta čysta represiŭny zakon»
«Łukašenka «prysvojvaje» achviar Chałakostu, abjaŭlajučy ich u prapahandysckich metach «biełaruskim narodam». Historyk prakamientavaŭ prajekt zakona ab hienacydzie
