U dakumiencie vyznačany krynicy farmiravańnia dachodaŭ biudžetu fondu. Jak adznačyła namieśnik staršyni Pastajannaj kamisii pa biudžecie i finansach Pałaty pradstaŭnikoŭ Julija Muryna, hałoŭnym krynic dachodaŭ tradycyjna źjaŭlajucca strachavyja ŭznosy. Pa jaje słovach, jany zajmajuć kala 90% u dachodnaj častcy biudžetu.
«Dachody biudžetu fondu sfarmiravany ŭ pamiery 21,4 młrd biełaruskich rubloŭ. Temp rostu pa adnosinach da čakanaha vykanańnia hetaha hoda — 109,5%», — raspaviała Ju. Muryna
Kolki hrošaj pastupić u FSAN u 2022 hodzie?
Płanujecca, što ŭ nastupnym hodzie suma strachavych uznosaŭ u FSAN budzie na 9,6% bolš u paraŭnańni z čakanym vykanańniem hetaha hoda. Čakajecca, što jana składzie 19,4 młrd rubloŭ.
Astatniaja častka dachodaŭ biudžetu fondu — niepadatkovaja — zapłanavanaja na ŭzroŭni 322,6 młn rubloŭ.
Z respublikanskaha biudžetu ŭ biudžet FSAN pastupić 1,7 młrd biełaruskich rubloŭ (na 7,9% bolš, čym u 2021 hodzie).
Kudy nakirujuć hrošy ź biudžetu fondu?
Vydatki biudžetu FSAN raźličany ŭ sumie 21,1 młrd rubloŭ, adznačyła Muryna. Pavodle jaje słoŭ, temp rostu ŭ paraŭnańni z 2021 hodam — 109,6%.
Asnoŭnaja častka vydatkaŭ, tradycyjna, — piensii. Na ich finansavańnie pojdzie 76,4% biudžetu — heta blizu 16,1 młrd rubloŭ (na 1,5 młrd bolš, čym u 2021 hodzie).
Siaredniaja piensija ŭ 2022 hodzie
«U prajekcie biudžetu fondu praduhledžany štokvartalny pieraraźlik pracoŭnych piensij, jakija vyličajucca ŭ minimalnym pamiery, sacyjalnych piensij, pavyšeńniaŭ i nadbavak da piensij, vyrablany ŭ suviazi z rostam biudžetu pražytačnaha minimumu ŭ siarednim na dušu nasielnictva», - padkreśliła Muryna.
Akramia taho, nie radziej, čym raz u hod, praduhledžana pavyšeńnie pracoŭnych piensij.
«Płanujecca, što ŭ 2022 hodzie z ulikam pavyšeńnia pracoŭnych piensij siaredniamiesiačny pamier piensii pa ŭzroście niepracujučaha piensijaniera składzie 581,2 rubloŭ (siońnia kala 230 dalaraŭ)», - reziumavała namieśnik staršyni Pastajannaj kamisii pa biudžecie i finansach Pałaty pradstaŭnikoŭ.
