«Tola pajšoŭ tudy niedzie kala 10 ranicy i raptam pazvaniŭ. Skazaŭ, što jaho zatrymali i viazuć mierkavana ŭ sud, nibyta za masku z nadpisam «Za svabodnyja vybary». I na hetych słovach zvanok prypyniŭsia. Dzie jon ciapier, nie viedaju», — raspaviała žonka Hatoŭčyca Maryja.
Anatolu Hatoŭčycu 71 hod. Jon šmat pracavaŭ na «Radyjo Svaboda», apošnim časam supracoŭničaŭ z hazetaj «Narodnaja vola». U 2018 hodzie Anatolu Hatoŭčycu zrabili niekalki ankałahičnych apieracyj.
«Ale dla ich ani ŭzrost, ani stan zdaroŭja nie pieraškoda», — skazała pra zatrymańnie muža Maryja.
Siońnia milicyja pryjazdžała da homielskaj žurnalistki Łarysy Ščyrakovaj — prapanavali prajechać ź imi. Ale jana nie zhadziłasia, bo na samaizalacyi z karanavirusam.
Užo 5 hadzin nie vychodzić na suviaź homielski žurnalist Jaŭhien Mierkis.
