Zasłuchaŭšy dakład načalnika ŭpraŭleńnia Kamiteta dziaržbiaśpieki ab stanoviščy ŭ Mahiloŭskaj vobłaści, Łukašenka skazaŭ: «Vy ŭ niejkaj stupieni samazaspakoilisia. Tak, u nas, byccam by, u Mahiloŭskaj vobłaści nie vielmi šumieli, kryčali, ale treba razumieć, što heta viaršynia ajśbierha — toje, što my bačyli letaś. Što tam nižej, zaležyć ad sacyjalna-ekanamičnaha raźvićcia, uzroŭniu i pośpiechaŭ Mahiloŭskaj vobłaści».

Pryčyny taho, što adbyłosia ŭ 2020-m, jon bačyć nie tolki ŭ sacyjalna-ekanamičnaj abstanoŭcy ŭ krainie. «I naša vina jość u tym, što adbyłosia letaś, — adznačyŭ palityk. — My prosta supakoilisia i ličyli, što my vykładvajemsia, pracujem, starajemsia, nie moža ž być takoha, kab chtości padniaŭsia, uspychnuŭ niejki strajk ci jašče niešta. My samazaspakoilisia. Voś kab nie adbyłosia hetaha i ciapier i kab nam nie pryjšłosia znoŭ pa vulicach z aŭtamatami biehać».

Клас
0
Панылы сорам
0
Ха-ха
0
Ого
0
Сумна
0
Абуральна
0