Anton Kačanaŭ — majstar sportu pa paŭerliftynhu. Jon treniravaŭ prafiesijnych bikinistak, jaho padapiečnyja stanavilisia čempijonkami krainy.
Jon byŭ źbity ŭ noč na 19 śniežnia. U kramie adbyłasia sprečka ź nieviadomym mužčynam, jaki ŭdaryŭ Antona na vychadzie. Traŭmatyčnaje padzieńnie i ŭdar hałavoj pryviali da komy.
«U Antona pierałom zvodu čerapa, była ciažkaja apieracyja z vydaleńniem hiematomaŭ, apieryravaŭ viadomy niejrachirurh Dźmitryj Viejeŭnik», — paviedamili tady «Našaj Nivie» svajaki Antona.
Na jaho reabilitacyju nieabyjakavyja biełarusy sabrali kala 6 tysiač jeŭra.
Tady ž paviedamlałasia pra zatrymańnie taho, chto biŭ Antona, i pra toje, što pravodziacca śledčyja dziejańni. Maci Antona była ŭ śledčaj, dzie prahučała słova «patryjot» u dačynieńni da złačyncy. Jak idzie kryminalnaja sprava, nieviadoma.
Pachavajuć Kačanava na radzimie ŭ Baranavičach.
