Jana raspracavanaja navukovym centram imia Čumakova pry rasijskaj Akademii navuk, u adroźnieńnie ad vakcyny «HamKavidVak» («Sputnik V»), jakuju raspracavaŭ centr imia Hamalei i jakaja vykarystoŭvajecca ŭ Biełarusi. Adnak «KaviVak» taksama dvuchkampanientny (treba zrabić dva ŭkoły).
«KaviVak» raspracavany pa tym ža pryncypie, što i kłasičnyja vakcyny ad vospy, polijamijelitu, adzioru i inšych virusaŭ. Minzdaroŭja adznačaje, što vakcynacyja «KaviVakam» čaściej pieranosicca lahčej, čym «Sputnikam V».
Vakcyna była zarehistravanaja ŭ Rasii ŭ kancy lutaha 2021 hoda. U asnovie hetaj vakcyny — inaktyvavany virus SARS-CoV-2. Takaja płatforma vykarystoŭvajecca dla kitajskich vakcyn Sinopharm i Sinovac.
Minzdaroŭja zaznačaje, što «KaviVak» 6 śniežnia pastupiŭ na aptečny skład, i 13-15 śniežnia bolš za 300 tys. doz užo adpraŭlenyja va ŭsie vobłaści krainy.
Varta zaznačyć, što «KaviVak» nie ŭchvaleny Suśvietnaj arhanizacyjaj achovy zdaroŭja.
***
Raniej paviedamlałasia, što ŭ Biełarusi pieršuju dozu vakcyny («Sputnikam» i kitajskaj ad Sinopharm) atrymali 3 młn 970 tysiač čałaviek, a dźvie dozy — 3 młn 156 tysiač.
