Na siońniašnim sudzie stali viadomyja padrabiaznaści. Učora, paśla zakančeńnia terminu aryštu, Taćcianu advieźli ŭ Frunzienskaje RUUS nibyta na hutarku. Tam, zhodna z pratakołam, jana «pačała pavodzić siabie ahresiŭna, hučna kryčać, vybiła z ruk rabotnika tečku, a na zaŭvahi nie reahavała». Za heta na jaje skłali pratakoł pa art. 19.1 KoAP (drobnaje chulihanstva). Svaju vinu ŭ sudzie Batura nie pryznała.
Taćcianu Batura zatrymali 15 listapada pierad sudovym pasiadžeńniem nad Volhaj Załatar, asudžanuju paźniej na čatyry hady kałonii. Tady na ŭłasnym sudzie minčanka zajaŭlała, što ŭ RUUS jaje ŭdaryli hałavoj ab šafu, traŭmu hałavy zafiksavali ŭ balnicy Niahledziačy na heta, tady jaje ŭ pieršy raz aryštavali na 15 sutak, zatym dali jašče 15 sutak.
