Ciapier samaizalavacca musiać ludzi, što majuć kavid. Patrabavańnie ab samaizalacyi dla kantaktaŭ pieršaha i druhoha ŭzroŭniaŭ vyklučanaje ź pieraliku.
«U metach pavyšeńnia efiektyŭnaści lačeńnia i miedycynskaha nazirańnia pacyjentaŭ ź infiekcyjaj COVID-19 na ambułatornym etapie, maksimalnaha vyjaŭleńnia pacyjentaŭ ź infiekcyjaj COVID-19 siarod asob z kliničnaj simptamatykaj vostrych reśpiratornych infiekcyj, pastanovaj admieniena znachodžańnie ŭ samaizalacyi kantaktnych asob 1 i 2 uzroŭniaŭ. Taksama, u suviazi ź nizkim uzroŭniem zachvorvańnia infiekcyjaj COVID-19 siarod asob, jakija prybyvajuć u Respubliku Biełaruś z krain tak zvanaj «čyrvonaj zony», admienienaje znachodžańnie ŭ samaizalacyi i asob, jakija prybyvajuć u Respubliku Biełaruś» — havorycca ŭ paviedamleńni Minzdaroŭja.
Takim čynam, pastanovaj praduhledžana — znachodžańnie ŭ samaizalacyi tolki asob (hramadzian Biełarusi, zamiežnych hramadzian i asob biez hramadzianstva), jakim vystaŭleny dyjahnaz — infiekcyja COVID-19.
Novyja praviły nabudć moc zaŭtra, 22 śniežnia.
