18 śniežnia skončyłasia dvuchmiesiačnaje hramadskaje abmierkavańnie pa hetym pytańni na sajcie Kijeŭskaj haradskoj dziaržaŭnaj administracyi. Z 82 jaho ŭdzielnikaŭ 65 prapanovu padtrymali.
Pierad hetym Kijeŭskaja haradskaja rada adnahałosna ŭchvaliła prajekt rašeńnia ab pierajmienavańni, składzieny śpiecyjalnaj kamisijaj pry joj. A vyniki hramadskaha abmierkavańnia robiać realizacyju inicyjatyvy całkam realnaj.
Inicyjatyva ŭšanavańnia Kalinoŭskaha va ŭkrainskaj stalicy naležyć biełaruskaj dyjaspary Kijeva. Miesca abranaje nie vypadkova. Skvier, jaki ciapier maje nazvu Staradarnicki-1, mała taho što sam znachodzicca na Hrodzienskaj vulicy, dyk niepadalok jašče prachodzić vulica Dźvinskaja. Inicyjatary prajekta, arhumientujučy jaho, vykazvali ŭpeŭnienaść, što takaja kancentracyja źviazanych ź Biełaruśsiu nazvaŭ u adnym miescy «dazvolić stvaryć novy biełaruski kulturny kłastar u Kijevie».
Zrešty, da kančatkovaha afarmleńnia pierajmienavańnia jašče musić prajści čas. Jak kazaŭ u adnym z intervju člen Kamisii pa pierajmienavańniach Tymiš Martynienka-Kušlanski, «uličvajučy ŭsie realii, kančatkovaje rašeńnie Kijeŭrady pa hetych pytańniach treba čakać nie raniej za vosień 2022 hoda».
Roŭna dva hady tamu ŭ Vilni ŭračysta pierapachavali Kalinoŭskaha i paŭstancaŭ 1863 hoda FOTY
