Zhodna z prajektam, novy artykuł KK 193-1 nazyvajecca «Niezakonnyja arhanizacyja dziejnaści hramadskaha abjadnańnia, relihijnaj arhanizacyi abo fondu albo ŭdzieł u ich dziejnaści».
Hetyja dziejańni zakonaprajekt prapanuje karać štrafam, abo aryštam, abo pazbaŭleńniem voli na termin da dvuch hadoŭ.
Artykuł 193-1 nie budzie raspaŭsiudžvacca na arhanizacyi, jakija pryznanyja ekstremisckimi i zabaronienyja, dla hetych vypadkaŭ jość artykuł 423-1.
Taksama dziejańnie artykuła 193-1 nie budzie raspaŭsiudžvacca na dziejnaść arhanizacyj, pa jakich pryniata rašeńnie ab prypynieńni ich pracy. A taksama na dziejnaść arhanizacyj, źviazanuju z prachodžańniem dziaržrehistracyi va ŭstanoŭlenym paradku.
Ludzi, jakija dobraachvotna spyniać dziejańni, što parušajuć artykuł 193-1, i zajaviać pra heta ŭ dziaržorhany, buduć vyzvalenyja ad kryminalnaj adkaznaści.
Nahadajem, u 2021 hodzie ŭ Biełarusi źniščyli sotni arhanizacyj hramadzianskaha siektara.
