Edvard Žaŭryd u 1962 hodzie skončyŭ lačebny fakultet Minskaha miedycynskaha instytuta. Z 1966 hoda i pa siońnia pracavaŭ u Respublikanskim navukova-daśledčym instytucie ankałohii i miedycynskaj radyjałohii imia Alaksandrava, u 1987 hodzie abaraniŭ doktarskuju dysiertacyju na temu «Lačeńnie złajakasnych puchlin z užyvańniem štučnaj kiravanaj hipiertermii i hipierhlikiemii», piša Minzdaroŭja.
Edvard Žaŭryd staŭ adnym z zasnavalnikaŭ novaha kirunku ŭ ankałohii — vykarystańni vysokich tempieratur pry lačeńni złajakasnych novaŭtvareńniaŭ.
Taksama jon pieršym u krainie arhanizavaŭ kliničnyja vyprabavańni lekavych srodkaŭ u ankałahičnaj praktycy. Byŭ inicyjataram i aktyŭnym arhanizataram padrychtoŭki i vydańnia pieršych pratakołaŭ dyjahnostyki i lačeńnia złajakasnych puchlin.
Za raspracoŭku i ŭkaranieńnie ŭ praktyku mietadaŭ lačeńnia złajakasnych puchlin z vykarystańniem hipiertermii i hipierhlikiemii ŭ 1988 hodzie ŭdastojeny hanarovaha zvańnia łaŭreata Dziaržaŭnaj premii BSSR u halinie navuki.
