Radyjo Svaboda
Sudździa Viačasłaŭ Tulejka abjaviŭ nastupnyj vyraki:
— Ihar Alinievič — 20 hadoŭ;
— Siarhiej Ramanaŭ — 20 hadoŭ;
— Dźmitryj Razanovič — 19 hadoŭ;
— Dźmitryj Duboŭski — 18 hadoŭ.
Anarchisty Ihar Alinievič, Dźmitryj Duboŭski, Dźmitryj Razanovič i Siarhiej Ramanaŭ byli zatrymanyja ŭ noč z 28 na 29 kastryčnika minułaha hoda niedaloka ad biełaruska-ŭkrainskaj miažy.
Ich abvinavacili ŭ padpale słužbovych aŭtamabilaŭ la budynku prakuratury ŭ Salihorsku, budynka DAI ŭ Mazyry.
Pradjavili šerah kryminalnych artykułaŭ:
— č. 2 art. 289 — akt teraryzmu;
— č. 2 i č. 4 art. 295 — niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ;
A Duboŭskaha i Alinieviča taksama i pa. 1 art. 333-1 — niezakonnaje pieramiaščeńnie praź miažu zabaronienych rečyvaŭ, ahniastrelnaj zbroi i vybuchovych pryładaŭ.
Sud prachodziŭ u zakrytym režymie z pryčyny «abarony piersanalnych danych paciarpiełych».
Prysud nie kančatkovy i moža być abskardžany na praciahu 10 dzion.
Abvinavačanyja ŭklučanyja KDB u śpis asob, datyčnych da terarystyčnaj dziejnaści.
Praz hod paśla zatrymańnia ŭ Minsku pačali sudzić anarchistaŭ, jakich KDB unios u śpis terarystaŭ. Praces zakryli
