— Pavodle niekatorych acenak, u časy samych surovych palityčnych represij u SSSR dziejničała samaja prahresiŭnaja ŭ śviecie Kanstytucyja. Heta nie dapamahło. Ja nie mahu ŭjavić źmieny ŭ Kanstytucyju RB, jakija vyrašać usie prablemy, choć šerah pytańniaŭ možna było b źniać. Ale pry biezalternatyŭnym refierendumie, kali pobač niama dvuch prajektaŭ Kanstytucyi, faktyčna, vybaru nie budzie.
Da hetaha času niama apublikavanaha prajekta (prajekt byŭ apublikavany tolki ŭčora, 27 śniežnia). Miarkujučy pa tych prapanovach, jakija byli ahučanyja, chutčej za ŭsio, havorka budzie iści pra źmieny, jakija mohuć aceńvacca, jak patrebnyja ci nie vielmi, ale dakładna nie pryviaduć ni da jakich pryncypovych źmienaŭ. Śmiešna, što pa televizary pakazvajuć sacyjalnaje apytańnie, u jakim 70% apytanych skazali, što źmieny, viadoma, patrebnyja. Pry hetym apytanyja nazvali ŭ jakaści asnoŭnych źmianieńniaŭ u Kanstytucyju zachavańnie status-kvo. Takoje patrebnaje źmianieńnie bieź źmienaŭ.
- Na vaš pohlad, jakija abaviazkovyja normy pavinny być u budučaj Kanstytucyi RB?
— Jašče 2 kastryčnika 2020 hoda ja sprabavaŭ adpravić na volu sšytak, śpisany prapanovami ŭ Kanstytucyju. Ni advakatam, ni svajakam jaho nie pieradali. Ale paśla sustrečy ŭ SIZA KDB u 2020 hodzie hety sšytak adpraviŭsia ŭ niejkija vysokija kabiniety.
Adna z patrebnych, na maju dumku, źmien — heta viartańnie najvyšejšaj jurydyčnaj siły zakonam. Ciapier ža pieravahu majuć dekrety i ŭkazy Łukašenki. Jašče letam hučali, praŭda nie vielmi vyrazna, prapanovy ab abmiežavańni zakanadaŭčych pravoŭ prezidenta. Ale pahladzim, ci budzie heta ŭ prajekcie, u jakoj formie i ci stanuć ŭkazy padparadkoŭvacca zakonam abo, da prykładu, prosta źniknuć dekrety, a pa jurydyčnaj sile aktaŭ źmienaŭ nie budzie.
Prava Łukašenki i vuzkaha koła pryznačanych im ludziej vyznačać, chto stanie nastupnym Łukašenkam, zaraz budzie zamacavanaje kanstytucyjna
Apublikavali prajekt źmien u Kanstytucyju Biełarusi. Što tam novaha?
Łukašenku navat paśla adstaŭki nie zmohuć sudzić? Pahladzieli prajekt novaj Kanstytucyi
