10motifs
Sukienka-kambinacyja stała amal viačerniaj kłasikaj. Hety brend prapanuje madel sa štučnaha šoŭku i sa zdymnymi šlejkami z žemčuhu. Raim pryhledziecca da smarahdavaha adcieńnia: zialony — adzin z samych modnych koleraŭ ciapierašniaha siezona vosień-zima.
427 rubloŭ
The Young Clothes
Jašče adzin varyjant sukienki-kambinacyi. Daŭžynia maksi i hareźlivy razrez idealnyja dla śviatočnaha viečara pad šampanskaje. Kali chočacca stvaryć bolš strymany vobraz, možna dapoŭnić sukienku ŭkaročanym žakietam.
175 rubloŭ
Moshé
Ultra-mini viartajecca ŭ modu. Znajšli adzin z varyjantaŭ hetaha trendu na viečar — sukienka z ekašoŭku. «Pravakacyja i žanockaść», — tak prezientujuć jaje dyzajniery.
160 rubloŭ
Alona Hareckaja
Varyjant dla tych, chto źbirajecca na halivudski pryjom. Abo prosta choča vyhladać pa-halivudsku. Srebrany krop-top, akuratnyja machry i štany-pałaca — sapraŭdnaje komba apošnich trendaŭ.
590 rubloŭ
Kardash
Nadakučyli sukienki? Prymiercie kimano! Čornaje šaŭkovaje hladzicca raskošna. Prynt z busłami — fiška dyzajnierki Volhi Kardaš. Dziakujučy joj, vyjava hetaj ptuški na adzieńni stała amal nastolki ž papularnaj, jak arnamient.
513 rubloŭ
Krasa
Maleńkaja čornaja sukienka nie abaviazkova musić być sumnaj. Dla viačerniaha dres-kodu možna abrać madel z dekalte i abjomnymi rukavami. Vyjhryšna hladzicca z čornymi batfortami.
164 rubli
Balunova
Cikavaja sukienka-kanstruktar, elemienty jakoj možna nasić jak razam, tak i paasobku. Nižni słoj — «badzikon» (anhielskaje bodycon, madel, jakaja ščylna ablahaje cieła) na šlejkach, jarkaja fuksija. Vierchni — čornaja biazvažkaja sukienka z arhanzy.
304 rubli
Saba clothes
Kali źbirajeciesia sustrakać śviata doma abo ŭ špacyrach pa horadzie, pryhledźciesia da ciopłych utulnych sukienak. U hetaha brenda jość cikavy varyjant z kapiušonam i busłami.
250 rubloŭ
Burvin
Žoŭty byŭ hałoŭnym koleram 2021 hoda pa viersii Instytuta koleru Pantone. Kali nie paśpieli jaho prymieryć, samy čas pasprabavać. Naprykład, u vyhladzie sukienki łakaničnaha kroju z pojasam — prosty siłuet uraŭnavažvaje jarkaść.
Cana pa zapycie
