Videa źjaviłasia ŭ tielehram-kanale DAI, ale paźniej jaho vydalili. A praź niekalki dzion mužčynu zvolnili z pracy.
Jak paviedamili Zerkalo.io kalehi Kazačenki, jaho zvolnili z Opiernaha teatra jašče letaś, praktyčna adrazu paśla zatrymańnia.
Paśla hetaha Hienadź vydaliŭ ź Instahrama fatahrafii z majkaj, na jakoj źmieščanyja cytaty Łukašenki. «Prymajučy rašeńnie, dumajcie na dziesiać krokaŭ napierad. Tak, dumajcie hałavoj, a nie… Niekatorym karysna prosta dumać. Nie zabyvajcie, što adnu i tuju ž infarmacyju ŭsprymajuć pa-roznamu», — napisaŭ muzyka 1 studzienia na svajoj staroncy ŭ Instahramie.
Ab samim Kazačenku viadoma nie šmat. Jon skončyŭ Biełaruskuju dziaržaŭnuju akademiju muzyki. U Opierny jon pryjšoŭ adnosna niadaŭna, a ŭ składzie «Sierenady» — hety kalektyŭ utvorany ŭ 2006 hodzie ź liku artystaŭ arkiestra teatra — źjaviŭsia tolki ŭ sakaviku hetaha hoda.
