Mitynhoŭcy ŭ Ałmaty, 4 studzienia 2022
Pratesty pačalisia ŭ Manhistaŭskaj vobłaści — zachodnim rehijonie Kazachstana, bahatym na naftu i haz. 2 studzienia ŭ haradach Žanaozien i Aktau ludzi vyjšli na vulicy mitynhavać. Ich łozunhami stali «Nietry — bahaćcie narodu» i «Haz pa 50 tenhie». U paniadziełak stali adbyvacca sutyčki z palicyjaj.
Urad pahadziŭsia pajści na sastupki, paabiacaŭšy źnizić canu na zvadkavany haz da 85-90 tenhie.
«Kali sabiekošt vytvorčaści hazu składaje 100 tenhie, i heta bolš, čym žadanyja 50-60, to ŭ nas jość dva varyjanty: my ci budziem siadzieć u pastajannym deficycie i našy zavody ŭ niejki momant prosta spyniacca, ci buduć prymacca voś takija, moža być, nie vielmi papularnyja miery», — apraŭdvaŭsia ministr enierhietyki Kazachstana Mahzum Mirzahalijeŭ.
Ludziej heta nie zadavoliła. Pratesty pačalisia i ŭ inšych haradach — Kurykie, Akšukury, Atyrau, Šymkiencie. Bolš mitynhoŭcaŭ stała ŭ Aktau i Žanaozienie, dzie sabarałasia pa niekalki tysiač čałaviek. U hetych haradach na płoščach stavili pałatki i palili vohniščy.
Pratesty ŭ Aktabe, 4 studzienia 2022
Akcyi zakranuli taksama Ałmaty i Nur-Sułtan. Da ekanamičnych patrabavańniaŭ dadalisia i palityčnyja: ludzi vystupajuć suprać karupcyi, kumaŭstva, biespracoŭja.
Na pratestach 4 studzienia było šmat zatrymańniaŭ. Časam dachodziła da absurdu, kali ŭ bus z zatrymanymi zanosili niemaŭla ŭ vazku.
U Atyrau narod prarvaŭ kardon palicyi.
A ŭ Astanie (Nur-Sułtanie) sabraŭsia mitynh rekordnaj dla Kazachstana šmatlikaści.
«Nas natchnili biełarusy», — kažuć niekatoryja z demanstrantaŭ.
U Ałmaty ŭłady adklučyli internet. Zabłakavanyja dva papularnyja internet-sajty: Kaztag.kz i Orda.kz.
Uviečary aŭtorka prezident Kazachstana zajaviŭ u tvitary, što ŭ Manhistaŭskaj vobłaści ceny na haz źniziać da 50 tenhie za litr.
Jon paabiacaŭ, što astatnija patrabavańni hramadzian razhledziać na zaŭtrašniaj naradzie. I zaklikaŭ nie paddavacca «zaklikam destruktyŭnych asobaŭ, zacikaŭlenych u padryvie stabilnaści i adzinstva hramadstva».
Ludziej zapeŭnili, što nie buduć pryciahvać da adkaznaści za mitynhi.
