Dyrektar i suzasnavalnica «Inavacyi» — Alena Miščanka, kiraŭnica Asacyjacyi pryvatnych ustanoŭ adukacyi ŭ Respublicy Biełaruś. Maci Aleny — Ludmiła Miščanka — doŭhi čas była dyrektaram Mahiloŭskaj dziaržaŭnaj himnazii-kaledža mastactvaŭ, a ŭ 2001 hodzie była davieranaj asobaj Alaksandra Łukašenki.

Alena nieadnarazova była zaŭvažanaja ŭ kampanii Łukašenki i čynoŭnikaŭ «najvyšejšaha koła» na roznych naradach.

Alena Miščanka (błandzinka ŭ čornym pinžaku) za adnym stałom z Łukašenkam na naradzie «pa pytańniach uniasieńnia navacyj u Kodeks ab adukacyi», kastryčnik 2021 hoda

Alena Miščanka (błandzinka ŭ čornym pinžaku) za adnym stałom z Łukašenkam na naradzie «pa pytańniach uniasieńnia navacyj u Kodeks ab adukacyi», kastryčnik 2021 hoda

Alena Miščanka (u čyrvonym pinžaku) u kampanii premjer-ministra Ramana Hałoŭčanki i inšych čynoŭnikaŭ

Alena Miščanka (u čyrvonym pinžaku) u kampanii premjer-ministra Ramana Hałoŭčanki i inšych čynoŭnikaŭ

Akramia taho, dyrektar «Inavacyi» razdaje intervju dziaržaŭnaj presie, a dziaržTB robić repartažy pra jaje škołu. A adnojčy Alena z sabakam trapiła na intervju da dresiroŭščyka Edharda Zapašnaha.

Źleva naprava: Alena Miščanka ŭ repartažy «Biełaruś 4», na ANT i z Edhardam Zapašnym

Źleva naprava: Alena Miščanka ŭ repartažy «Biełaruś 4», na ANT i z Edhardam Zapašnym

Škoła Aleny Miščanka isnuje piać ź nievialikim hadoŭ. Jana pradstaŭlenaja jak «himnazija z dvuchmoŭnaj sistemaj navučańnia, na anhlijskaj i ruskaj movach». Adździaleńni pryvatnaj škoły jość u Minsku i Mahilovie. U 2021 hodzie 12 miesiacaŭ navučańnia ŭ «Inavacyi» abyšlisia b prykładna ŭ 5750—6325 dołaraŭ.

Pa słovach suzasnavalnicy Imaguru Taćciany Marynič, u krasaviku 2021 hoda chołdynh «Haryzont» biez tłumačeńnia pryčyn skasavaŭ damovu arendy z chabam u adnabakovym paradku, a paźniej kampanija była vymušanaja rełakavacca. Sama Taćciana źviazvaje hetyja padziei z palityčnym ciskam i paradkam dnia biełaruskich uładaŭ, nakiravanym suprać «niepažadanych».

Za čas isnavańnia Imaguru dapamoh bolš čym tromstam startapam, siarod jakich acenienaja ŭ miljard dołaraŭ IT-kampanija Pandadoc i prahrama MSQRD, nabytaja paźniej kampanijaj Facebook.

Клас
Панылы сорам
Ха-ха
Ого
Сумна
Абуральна