«Darahaja mama, — pisaŭ Džon, — siońnia atrymaŭ ad ciabie jašče adzin list, vielmi rady, što ŭ ciabie ŭsio dobra. Ja taksama ŭ paradku, z usim spraŭlajusia. Ale ježa pa bolšaj častcy davoli paršyvaja». «Lublu ciabie i całuju, tvoj syn Džoni. Spadziajusia, što ŭžo chutka ŭbaču ciabie», — tak sałdat zaviaršyŭ svoj list.

Džon Hansałvies pamior u 2015 hodzie, jaho maci — značna raniej. Ale pošta ZŠA adšukała ŭdavu siaržanta Andželinu, ź jakoj Džon paznajomiŭsia praź piać hadoŭ paśla viartańnia z vajny i jakaja pa-raniejšamu žyvie va Uobiernie — rodnym horadzie muža ŭ štacie Masačusets.

U studzieni Andželinie spoŭnicca 90 hadoŭ. List byŭ dastaŭleny joj niezadoŭha da Kalad. Pa jaje słovach, heta byli najlepšyja śviaty z taho času, jak pamior Džon, bo jon jak byccam znoŭ viarnuŭsia da jaje.

Jana raspaviała miascovamu telekanału WFXT-TV, jak u adzin sa śniežańskich dzion u dźviery pahrukaŭ paštaljon i spytaŭ, ci słužyŭ jaje muž u armii ŭ hady Druhoj suśvietnaj vajny. Atrymaŭšy śćviardžalny adkaz, jon pieradaŭ joj list, jaki zhubiŭsia na šmat dziesiacihodździaŭ.

«Ujaŭlajecie, 76 hadoŭ! Ja nie mahła pavieryć. Ale heta jaho počyrk, jaho styl. Nievierahodna», — skazała jana miascovamu telekanału.

Džon i Andželina pražyli razam 61 hod, u ich piaciora dziaciej. Ale niahledziačy na vialikuju siamju i nahruzku na pracy, kaža ŭdava, Džon zaŭsiody zastavaŭsia kłapatlivym synam, i list z frontu dobra pieradaje heta jaho jakaść.

Supracoŭniki USPS (Pošta ZŠA) u Pitsburhu prykłali da lista zapisku ad siabie, u jakoj napisali, što dastavić takoje pasłańnie — honar.

«My nie viedajem, dzie byŭ list apošnija siemdziesiat ź lišnim hadoŭ, ale prykładna šeść tydniaŭ tamu jon patrapiŭ na naš učastak. Jon, biezumoŭna, ujaŭlaje vialikuju kaštoŭnaść dla historyi vašaj siamji, i dla nas vielmi važna dastavić jaho», — havorycca ŭ zapiscy.

Pa słovach siamji Hansałvies, jany vielmi ŭdziačnyja supracoŭnikam pošty za taki dziŭny padarunak ź minułaha.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?