U novym rejtynhu Biełaruś zaniała 82-je miesca. U minułahodnim daśledavańni jaho aŭtary źmiaścili našu krainu na 63-je miesca. U Corruption Perceptions Index 2019 Biełaruś zajmała 66-je.
«Źnižeńnie Biełarusi nie dziŭnaje, uličvajučy žachlivaje padaŭleńnie svabody słova i mirnych schodaŭ u krainie. Ahulnanacyjanalnyja pratesty, jakija ŭspychnuli z-za falsifikacyi prezidenckich vybaraŭ 2020 hoda, byli sustretyja biesprecedentnym hvałtam. Kandydaty ad apazicyi, ich prychilniki, aktyvisty hramadzianskaj supolnaści i niezaležnyja žurnalisty pieraśledavalisia, a siłaviki aryštavali tysiačy hramadzian. Demakratyčnyja sistemy procivah byli demantavanyja abo źniesienyja na karyść režymu, što pryviało da raspaŭsiudžvańnia maštabnaj karupcyi — kali ŭłada skancentravanaja ŭnutry palityčnych elit i dla ich finansavaj vyhady», — havorycca ŭ dakładzie.
Siarod našych susiedziaŭ nižej raźmiaščajucca Rasija (136-je miesca) i Ukraina (122-je miesca). Značna lepšaja situacyja ŭ zachodnich susiedziaŭ Biełarusi — Litva zaniała 34-ju pazicyju ŭ rejtynhu, Łatvija — 36-ju, Polšča — 42-ju.
Najmienš karumpavanymi krainami aŭtary daśledavańnia nazvali Daniju, Finlandyju, Novuju Ziełandyju, Narviehiju i Sinhapur.
Najbolš karumpavanymi krainami stali Paŭdniovy Sudan, Siryja, Samali, Vieniesueła i Jemien.
