Fota TASS
Mahčymaść uviadzieńnia adzinaj valuty moža paŭstać na peŭnym etapie intehracyi ekanomik RF i Biełarusi, ale tut nielha zabiahać napierad. Ab hetym zajaviŭ namieśnik staršyni Rady biaśpieki Rasii Dźmitryj Miadźviedzieŭ u intervju rasijskim ŚMI. Jon pryznaŭ, što «ŭzrovień intehracyi Rasii i Biełarusi pakul niedastatkovy, heta ŭsie razumiejuć», piša TASS.
«Hetym treba zajmacca, i pa miery prasoŭvańnia pa hetym intehracyjnym treku i moža ŭźniknuć mahčymaść uviadzieńnia adzinaj valuty. Ale tut dakładna nielha zabiahać napierad. I my, darečy, nikoli pra heta i nie kazali, što davajcie ŭviadziom adziny rubiel, i ŭsio naładzicca. Adzinaja valuta — heta ž śledstva dobraha abjadnańnia ekanomik, ich vyraŭnoŭvańnia. Tak, naprykład, źjaviŭsia jeŭra», — zajaviŭ Miadźviedzieŭ.
Jon raspavioŭ, što ŭ svoj čas «taksama patraciŭ niamała niervaŭ padčas uzhadnieńnia roznych dakumientaŭ», jakija tyčacca raźvićcia intehracyi, adznačyŭšy, što ciapier «hety praces sapraŭdy nabyŭ bolš intensiŭny charaktar».