Kolki hrošaj za 2021 hod viarnuli źniešnim kredytoram

Źniešni dziarždoŭh na 1 studzienia skłaŭ 18,2 młrd dalaraŭ. Miesiacam raniej hetaja suma była takoj ža. U paraŭnańni z pačatkam 2020 hoda źniešni dziarždoŭh skaraciŭsia na 0,4 młrd dalaraŭ z ulikam kursavych roźnic, abo na 1,9%.

«U 2021 hodzie pryciahnutyja źniešnija dziaržaŭnyja pazyki na sumu, ekvivalentnuju 1 młrd 273,1 młn dał., pahašeńnie źniešniaha dziaržaŭnaha doŭhu skłała 1 młrd 609 młn dalaraŭ», — paviedamlaje Minfin.

U kaho kankretna Minsk zajmaŭ u 2021 hodzie, viedamstva nie paviedamlaje. Pavodle źviestak, na pačatak listapada minułaha hoda siarod asnoŭnych kredytoraŭ biełaruskaj ekanomiki značylisia: urad Rasii, Mižnarodny bank rekanstrukcyi i raźvićcia, Fond mižnarodnaha raźvićcia APIEK, Ekspartna-impartny bank Kitaja, a taksama Jeŭrapiejski bank rekanstrukcyi i raźvićcia i Paŭnočny inviestycyjny bank (SIB).

Raniej u Minfinie zajaŭlali, što dziarždoŭh staŭ prablemaj dla ekanomiki.

Jakaja situacyja pa ŭnutranym dziarždoŭhu

Unutrany dziaržaŭny doŭh na 1 studzienia skłaŭ 11,8 młrd rub. (miesiacam raniej — 11,9 młrd rub.). U paraŭnańni z pačatkam minułaha hoda, jon vyras na 2 młrd rub. (z ulikam kursavych roźnic), abo na 19,9%.

U Minfinie ŭdakładniajuć, što za 2021 hod było raźmieščana ŭnutranych valutnych i rublovych dziaržaŭnych ablihacyj dla jurydyčnych i fizičnych asob na 1 młrd 237,8 młn dał. i 191 młn rub. kampiensavana valutnych i rublovych dziaržaŭnych ablihacyj dla jurydyčnych i fizičnych asob na 333,1 młn dał. i 145 młn rub.

Dziarždoŭh Biełarusi na 1 studzienia 2021 hoda składaŭ 57,8 młrd rub., pavialičyŭšysia za minuły hod na 13 młrd rubloŭ, abo na 29%. Źniešni dziarždoŭh za hod vyras na 8,4% — da 18,6 młrd dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?