Alena — mama, čyjo dzicia vučycca ŭ licei №2 Minska. Havoryć, ustanovu vybirali metanakiravana. U ich rodnym Salihorsku try himnazii i adna «mocnaja škoła», ale tut adnosiny vykładčykaŭ i dziaciej asablivyja — jany na roŭnych. Voś čamu siudy pastajanna viartajucca vypuskniki: to pierad adzinaccacikłaśnikami vystupajuć ź lekcyjami, to z nastaŭnikami čaj pjuć.
— Chtości kaža: «Vašy dzieci davučacca. Čaho vy tak chvalujeciesia?» — razvažaje Alena. — Mnie nie ŭsio roŭna, majoj małodšaj dačce 12 hadoŭ. Jana źbirałasia pastupać u Licej № 2. Znajomyja śpiecyjalna pabudavali kvateru ŭ Łošycy, kab dziciaci ŭ budučyni było zručna jeździć na zaniatki. I što ciapier?
Sama Alena zdymaje kvateru niedaloka ad ustanovy adukacyi — tak jana vyrašyła pytańnie z žyllom u Minsku, kali starejšaje dzicia pastupiła ŭ licej №2.
3 śniežnia baćkoŭ sabrali čynoŭniki z administracyi Leninskaha rajona. Asnoŭny pasył taki: usio dobra, nie chvalujciesia. Vašy dzieci davučacca, naboru nie budzie. A jak być tym, chto chodzić na płatnyja padrychtoŭčyja kursy pry licei (u zvarocie da Kačanavaj ukazana, što heta 200 čałaviek)? baćki vykazvali niezadavalnieńnie.
Adčynicie ŭ internecie vodhuki, pačytajcie, što pišuć vypuskniki: «Heta najlepšyja hady ŭ maim žyćci». Nie ŭsie ž mohuć pastupić u Licej BDU, heta vielmi-vielmi vysokaja płanka, ale i ŭ Druhi licej nie ŭsich biaruć. U siarednim konkurs 1,5 čałavieka na miesca. Pazicyja baćkoŭ takaja: «Zachavajcie licej. Chiba jon samy drenny? Jon uvachodzić u dziasiatku najlepšych ustanoŭ Minska». Jak ich [čynoŭnikaŭ] ŭhavaryć pakinuć licej? Nie viedaju».
Čytajcie taksama:
Staličny licej № 2, jaki sprabavali adstajać baćki vučniaŭ, usio ž zakryvajuć
«Uparadkavali». Namieśnik ministra adukacyi prakamientavaŭ infarmacyju pra zakryćcio licejaŭ
