Fota Edharsa Hrundštejnsa.
U pres-relizie ministerstva ministr unutranych spraŭ Łatvii Maryja Hołubieva pryznała, što cisk na miažu z boku Biełarusi nie zakančvajecca i hibrydnaja apieracyja, arhanizavanaja režymam Alaksandra Łukašenki, praciahvajecca. Tamu va ŭrada niama inšaha vybaru, akramia jak tolki praciahvać nadzvyčajnaje stanovišča ŭ pamiežnych municypalitetach nadalej.
«Heta dazvalaje nam bolš apieratyŭna reahavać i supracoŭničać ź inšymi słužbami ŭ hetaj kryzisnaj situacyi. My raspracavali roznyja scenary i budziem hatovyja reahavać, kali situacyja pahoršycca», — skazała Hołubieva.
Adznačajecca, što z 13 śniežnia 2021 hoda hramadzianie trecich krain sprabujuć nielehalna pierasiačy łatvijska-biełaruskuju miažu nievialikimi hrupami ad 3 da 12 čałaviek niekalki razoŭ na dzień i ŭ roznych miescach. Takaja taktyka stvaraje pastajannuju pahrozu łatvijska-biełaruskaj dziaržaŭnaj miažy i nieabchodnaść šyrokaha pryciahnieńnia resursaŭ Dziaržaŭnaj pamiežnaj achovy, nacyjanalnych uzbrojenych siłaŭ i dziaržaŭnaj palicyi.
Usiaho z 10 žniŭnia 2021 hoda łatyšskimi pamiežnikami było praduchilena niezakonnaje pierasiačeńnia dziaržaŭnaj miažy z boku 5477 čałaviek.
Čytajcie taksama:
Łatvija: Tranzit uhnajeńniaŭ ź Biełarusi praz krainu niemahčymy
Łatvija zajaviła, što stała asnoŭnaj metaj hibrydnaj ataki Biełarusi
Ministr abarony Łatvii: Palityka Hiermanii ŭ dačynieńni da Rasii nie ŭpisvajecca ŭ naš čas
