U telehram-kanale BY_Help źjaviŭsia zvarot:

«Siabry, siońnia ja źviartajusia da vas z prośbaj, ź jakoj, ja vielmi spadziavaŭsia u 2020 hodzie, mahło b nie być. Ale naša baraćba doŭžycca ŭžo nastolki doŭha, što na volu pačali vychodzić pieršyja palityčnyja. Jany vychodziać čaściakom u ničoha, sa stračanym zdaroŭjem i posttraŭmatyčnym sindromam. My ŭsie viedajem umovy ŭ turmach režymu, a taksama toje, što svajaki tych, chto adsiedzieŭ za našu svabodu, čaściakom zastajucca biez pracy i srodkaŭ da isnavańnia. My nie možam ich kinuć».

Tamu ŭsim, chto moža, prapanujecca padtrymać inicyjatyvu danatam.

Usie kampanienty prahramy, pa słovach arhanizataraŭ, užo pracujuć.

— pieršyja razavyja vypłaty tym, chto vychodzić, užo robiacca kampanijaj BY_Help, i buduć rabicca pa miery vychadu palityčnych na volu;

— prahrama miedycynskaj i psichałahičnaj reabilitacyi dziejničaje sumiesna ź niamiecka-šviejcarskimi partniorami i daje miedycynskuju reabilitacyju ŭ Polščy, Ukrainie, Hiermanii;

— dapamoha z vyjezdami nadajecca praz sumiesnuju prahramu ekstranaha vyvazu, praź jakuju bolš za sotniu nievyjaznych ź pierśpiektyvaj vielizarnych terminaŭ zdoleli pakinuć krainu;

— dapamoha dla adaptacyi ŭ novaj krainie naładžvajecca sumiesna z partniorami ŭ Polščy i Ukrainie.

Inicyjatyvie patrebna materyjalnaja dapamoha pieradusim dla ažyćciaŭleńnia pieršych razavych vypłat, kab čałaviek, vyjšaŭšy, razumieŭ, što jaho nie kinuli.

«Navat kali kožnamu palitviaźniu vypłacicca choć by trysta jeŭra na čałavieka, to patencyjny abjom vypłat budzie bolš za 300 tysiač jeŭra. I tut akurat patrebna vaša dapamoha, kab nie było zatrymki ź pieršaj vypłataj.

Tamu što jana — samy mocny sihnał, što my nikoha nie zabudziem»,

— pišuć aŭtary inicyjatyvy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?