Padčas pasiadžeńnia čarnahorskaha parłamienta.

Padčas pasiadžeńnia čarnahorskaha parłamienta.

Za niedavier uradu 4 lutaha prahałasavali 44 z 81 deputataŭ. Na asobnaj siesii deputaty adchilili prapanovu ŭrada spynić paŭnamoctvy parłamienta i takim čynam abjavić pazačarhovyja vybary.

Uradavaja kaalicyja padčas farmavańnia ŭ pačatku śniežnia 2020 hoda atrymała padtrymku 41 deputata. Rehijanalnyja ŚMI tady śćviardžali, što stvaralnikam kaalicyi byŭ mitrapalit Sierbskaj pravasłaŭnaj carkvy Amfiłochij, jaki pamior ad COVID-19 padčas dyskusii ab jaje farmavańni. Carkoŭny ijerarch patrabavaŭ, kab va ŭradzie byli tolki ludzi, jakija da hetaha času nie byli prafiesijnymi palitykami.

Paśla akazałasia, što adzinym elemientam, jaki złučaŭ kaalicyju, było imknieńnie adchilić ad ułady prezidenta Miła Džukanoviča i Demakratyčnuju partyju sacyjalistaŭ, jakuju jon uznačalvaŭ, što znachodziłasia va ŭładzie z 1989 hoda.

Palityku ŭrada raskrytykavali jak prasierbskija siły, zhurtavanyja vakoł Demakratyčnaha frontu, tak i partyi jeŭrapiejskaj aryjentacyi, jakija znachodzilisia ŭ składzie kaalicyi. Hramadzianski ruch «Ura» admoviŭ Kryvakapiču ŭ padtrymcy, kali jon zvolniŭ ministraŭ zamiežnych i ŭnutranych spraŭ.

Na siesii 3 lutaha bolšaść deputataŭ admoviłasia abmiarkoŭvać prapanovu Kryvakapiča zvolnić z pasady jaho namieśnika Drytana Abazoviča. Niekatoryja ahladalniki zajaŭlajuć, što na palityčnaj arenie ŭ Padhorycy panuje chaos, pakolki suprać ułady hałasavali pierš za ŭsio partyi, jakija jaje sfarmavali, tamu da ich dałučylisia ich apanienty.

Pakul nieviadoma, ci budzie sfarmiravanaja novaja kaalicyja, ci budzie razmova ab pryznačeńni daterminovych vybaraŭ.

Čytajcie taksama:

U Čarnahoryi prajšli pratesty pierad inaŭhuracyjaj novaha kiraŭnika pravasłaŭnaj carkvy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?