U dvuchmiesnaj kamiery znachodzilisia adrazu 19 čałaviek

Bolš za hod administracyja Akreścina, niahledziačy na COVID-19, naŭmysna zakidaje «palityčnych» u pierapoŭnienyja kamiery. Aryštantam pa-raniejšamu nie vydajuć matracy i paścielnuju bializnu, tamu im davodzicca spać na mietaličnych płaścinach naraŭ, na padłozie abo na łaŭcy.

Chłopiec raskazaŭ, što choć pieradačy dla «palityčnych» u CIPie paśla paŭhadavoha pierapynku stali nibyta znoŭ prymać, ale da aryštantaŭ jany nie dachodziać. Tamu srodkami hihijeny jany karystajucca tymi, jakija zastajucca ad papiarednich aryštantaŭ.

«Kamiera nazyvajecca kantrolnaj, u joj pavinna znachodzicca minimum 16 čałaviek. Za dzień da majho vyzvaleńnia nas było 19. Spali my na padłozie, padkładali abutak pad hałavu, chtości spaŭ na łaŭcy i stale, paru čałaviek spali pad łožkam, dvoje kłali hałavu na tumbački i spali tam, na samich łožkach amal nichto nie spaŭ, bo jany žaleznyja, ich nazyvali «hryl», spać na ich było vielmi niekamfortna. Tyja, chto ryzykavaŭ tam spać, časta pieravaročvalisia, bo ŭ ich zaciakała ruka, tamu ŭsie staralisia spać na padłozie».

Ciopłyja rečy «palityčnym» «nie pałožany», a tualetnuju papieru i myła treba vyprošvać kožny dzień

«Nam pašancavała z kamieraj: ščotki dastalisia ad minułych ludziej, u kahości była pasta, ale my ŭ asnoŭnym čyścili zuby čornym vuhalem. Myła i tualetnaj papiery amal nie było, ich my prasili kožny dzień. Ale varta adznačyć niekatorych dziažurnych, jakija nam dva razy prynieśli dziohcievaje myła. Pry jaho źjaŭleńni bolšaść lacieła mycca, sam ja myŭ im hałavu. Mylisia my ŭ tualecie nad unitazam, nabirajučy ŭ butelki ciopłuju vadu. U nas było dastatkova butelek, a jość kamiery, dzie ich amal niama. Vopratku myli ŭ rakavinie, sušyli jaje na batarei. Ciopłych rečaŭ nie było, kurtki zabirali, bo jany nam «nie pałožany». Adzieńnie nie vysušyć, bo vilhotnaść ŭ kamiery taksama pavyšajecca. Biazdomnych ludziej da nas nie padsadžvali, ale z nami byŭ Vitalik, jakoha žonka z-za kožnaha apjanieńnia zdaje ŭ milicyju. Jon myŭsia, tamu nijakaha dyskamfortu z-za jaho nie było».

Z čornaha chleba robiać suchary, kab jon lahčej pieratraŭlivaŭsia

«Charčavańnie było trochrazovaje: na śniadanak — zaŭsiody čaj i kaša, jakuju časta nakładali mała i hetym nielha było najeścisia; na abied — kaša, katleta, zialony pamidor z bočki, ahurok, sałata z kapusty; viačera padobnaja na abied, ničoha asablivaha nie było. Ranicaj i ŭ abied davali bieły i čorny chleb, ale jon byŭ nie vielmi dobry i ad jaho mahło krucić žyvot, tamu ja jeŭ u asnoŭnym bieły. Čorny ž chleb my mahli sušyć na batarei, tady atrymlivalisia sucharyki i sam chleb pieratraŭlivaŭsia lahčej. Byli dni sa smačnym mieniu. U aŭtorak na abied davali kapustu, u sieradu — rasolnik, u čaćvier — boršč, u subotu na abied — makarony z kaŭbasoj, piatnica — rybny dzień».

Padčas «šmonaŭ» supracoŭniki CIPa raskidali ŭsie rečy na padłohu

«Kanfliktaŭ ź dziažurnymi i ŭsimi astatnimi nie było. Varta adznačyć, što tam jość vielmi čałaviečnyja ludzi, mnohija dziažurnyja adkryvali nam «karmušku», kazali čas, pry prośbach nie hrubijanili, prynosili myła, papieru i chlorku. Padčas šmonaŭ u adnoj z supracoŭnic byŭ fietyš: raskidać usie rečy z tumbačak na padłohu i kidać śmiećcievaje viadro ŭ tualet. Paśla jaje ŭ našaj kamiery zaŭsiody byŭ chaos».

«My byli adnoj z samych hučnych kamier na paviersie»

Chłopiec raspavioŭ, što z 19 čałaviek u kamiery — 18 zatrymali pa palityčnych matyvach. Ź im, naprykład, siadzieli try błohiery, jakija zapuścili dron nad «Trajeckim pradmieściem». Na ich skłali pratakoły pa art. 24.3 KaAP za «niepadparadkavańnie supracoŭnikam milicyi», a paźniej aryštavali na 15 sutak kožnaha. Akramia hetaha, ź im siadzieŭ litoviec, jakoha razam z žonkaj aryštavali za bieły arkuš papiery A4 na aknie. Sud pakaraŭ ich z žonkaj 15-sutačnym aryštam, a mužčynu paśla «sutak» departavali. Siarod sukamiernikaŭ byli i kiroŭca aŭtobusa, kiroŭca chutkaj dapamohi, ajcišnik, zvarščyk, indyvidualnyja pradprymalniki.

«Kožny čałaviek byŭ cikavym sa svajoj historyjaj i žyćciovym šlacham, razumnym, adukavanym. U nas skłałasia vydatnaja kampanija, usie adzin adnaho padtrymlivali. Mnie pašancavała z kamieraj, adnosiny byli čałaviečnyja i pavažlivyja, u nas nie było kanfliktaŭ, było viesieła, my byli adnoj z samych hučnych kamier na paviersie».

Čytajcie taksama:

«Na mianie idzie čałaviek z ružžom i ščytom. Ja trochi ździviŭsia». Pieršaje intervju kultavaha Anatola Šałkoviča, jaki lubić «pamidory sa śmiatanaj»

«Dušyli pakietam, zrezali skuru na piatach». Adzin z asudžanych pa «spravie anarchistaŭ-partyzanaŭ» raskazaŭ pra katavańni ŭ turmie

Z butelkaj pad hałavoj. Andrej Dyńko apisaŭ svoj turemny dośvied u balučym tekście

«Ludziej dahetul praciahvajuć katavać». Žurnalistka Kaciaryna Karpickaja raskazała pra svoj miesiac na Akreścina

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?