27 maja Bućko, jaki paśla zvalnieńnia ź milicyi staŭ dyrektaram kamiercyjnaj transpartnaj firmy, nanios svajmu supracoŭniku Andreju Zacharu «nie mienš za dvanaccać udaraŭ u vobłaść hałavy» kułakami, śćviardžaje abvinavačvańnie. Tym samym jon «pryčyniŭ jamu mienš ciažkija cialesnyja paškodžańni». Paciarpieły ŭ sudzie zajaviŭ, što ŭ jaho «niama pretenzij» da abvinavačanaha.
Piotr Bućko słužyŭ u milicyi bolš za 20 hadoŭ, zaviaršyŭšy słužbu namieśnikam načalnika RAUS u Kareličach u 2017 hodzie. U kancy 2020 hoda jon adbyŭ 32 dni administracyjnaha aryštu za ŭdzieł u niesankcyjanavanych akcyjach, raspaviadaŭ padpałkoŭnik u intervju haziecie «Narodnaja Vola».