Vulicy Chałturyna źbirajucca nadać nazvu ŭ honar pamierłaha ŭ minułym hodzie pravasłaŭnaha mitrapalita Fiłareta, a častka vulicy Ardžanikidze budzie nazvania imieniem hanarovaha hramadzianina Bresta Michaiła Iofie — byłoha dyrektara «Bresthazaaparata».
Ściapan Chałturyn — rasijski rabočy i revalucyjanier-teraryst, jaki ŭ 1880 hodzie ździejśniŭ vybuch u Zimnim pałacy ŭ Pieciarburhu z metaj zabić impieratara Alaksandra II. Zamach akazaŭsia niaŭdały, ale imia Chałturyna ŭ historyju, a paśla i ŭ saviecki panteon upisaŭ.
Hryhoryj Ardžanikidze (partyjnaja mianuška «Siarho») — adzin z kamunistyčnych kiraŭnikoŭ 1-j pałovy XX stahodździa, paplečnik Lenina i Stalina.
Praŭda, kazać pra pierajmienavańni jak ździejśnieny fakt pakul zarana. Zvaroty ab pierajmienavańni tolki razhledžanyja na pasiadžeńni Bresckaha haradskoha savieta pa pytańniach materyjalnaj i duchoŭnaj spadčyny i padtrymanyja členami savieta.
«Razam z tym, praces pierajmienavańnia vulic pracajomki i niachutki. Budziem dziejničać paetapna, zhodna z raspracavanym płanam.
U najbližejšy čas padrychtujem rašeńnie harvykankama, u jakim budziem chadajničać pierad Bresckim haradskim savietam deputataŭ ab pierajmienavańni vulic Chałturyna i častki Ardžanikidze», — napisaŭ Alaksandr Rahačuk.
Časta padčas prachodžańnia hetych instancyj ideja zychodzić na ništo, kali jana nie padabajecca kamuści ŭpłyvovamu z bolš vysokich načalnikaŭ.
Praŭda, ciapier, mahčyma, akurat na pierajmienavańnie vulicy Chałturyna ŭ vulicu Fiłareta jość admaška źvierchu, bo jašče ŭ 2015 hodzie toj ža Rahačuk byŭ nibyta suprać taho, kab nazyvać vulicu imieniem jakoha-niebudź inšaha čałavieka, choć suprać pierajmienavańnia ŭvohule nie piarečyŭ:
«Asabista ŭ mianie jość namier prapanavać pierajmienavać adnu vulicu ŭ centralnaj častcy Bresta — vulicu Chałturyna… Skažu adrazu, ja suprać taho, kab prysvoić joj imia inšaha čałavieka, navat samaha zasłužanaha. Tut nieabchodnaja niejtralnaja, miłahučnaja nazva. Naprykład, Ščaślivaja. Na hetaj vulicy, jak viadoma, raźmieščany abłasny radzilny dom, dzie dziasiatki tysiač brastaŭčan atrymlivajuć žyćcio», — kazaŭ tady Rahačuk.
A ciapier voś niešta źmianiłasia, i jon užo nie bačyć u hetym prablemy.
Pra pierajmienavańnie bresckich vulic, nazvanych u honar rasijskich i savieckich revalucyjanieraŭ, havorać užo daŭno, miascovyja aktyvisty jašče ŭ 2009 hodzie źbirali podpisy, kab vulicu Chałturyna pierajmienavać u honar Vasila Bykava. Ale haradskija ŭłady ŭ hetym admovili, paabiacaŭšy nazvać imieniem Bykava adnu z novych vulic. Abiacańnie, jak heta časta ŭ nas zdarajecca ŭ padobnych vypadkach, nie vykananaje.
