— Ihar, jak vy pačuvajeciesia, što novaha było apošni miesiac u Hrodnie?
— Hramadskim aktyvistam ja siabie nazvać nie mahu, tamu što hramadskaha aktyvizmu ciapier u Harodni niama. Nie viedaju, jak treba mianie ciapier nazyvać — chiba prosty žychar, tolki tak. U Harodni sumna, niama śniehu, niejki doždž. Što nadvorja, što nastroju, što markotnyja tvary ludziej, tak što nikomu nie raju naviedvać Harodniu. Hety pieryjad historyi my budziem zhadvać jak adziny z samych depresiŭnych ŭ historyi našaha horada. Bo ja zaŭsiody pamiataju Harodniu jak fajny, viasioły horad, dzie niešta adbyvajecca non-stop, 24 hadziny ŭ sutki kruhły hod, ale ciapier, na žal, nie.
— Voś vy kažacie pra sumny horad. Ja viedaju, što vy lubicie ŭsialakija knihi i litaraturu naohuł. Ź jakim tvoram vašych ulubionych aŭtaraŭ vy b paraŭnali horad?
— Razvažaŭ z kaleham, jon mnie tam niešta pra dziŭnyja tvory — pra «Sto hod samoty», i hetak dalej. Ja ŭsio ž taki nie budu da takich litaraturnych hipierbałaŭ pasoŭvacca. Niama sensu paraŭnoŭvać heta z tym, što było napisana kaliści tam. Ja dumaju, što pryjdzie čas, i napeŭna, niechta z sučasnych biełaruskich aŭtaraŭ ci aŭtarak asensuje toj stan, u jakim my ciapier usie znachodzimsia. Jak biełaruskaje hramadstva, i kankretna Harodnia. Tamu što ja zaŭsiody kažu: nie zabyvajcie, my žyviom u Harodni, i Harodniacentryzm — heta taki, jak kažuć «state of mind», i treba pažyć tut peŭny kavałak času, kab zrazumieć, što heta takoje.
***
Nahadajem, što Ihara Bancara abvinavacili pa č. 1 art. 339 Kryminalnaha kodeksa za praviadzieńnie pierformansa ŭ vyhladzie tanca biez štanoŭ pierad mašynaj milicyi. 19 sakavika 2022 hoda jamu dali paŭtara hoda chimii.
Padčas suda jon abviaściŭ suchuju haładoŭku. U vieraśni palitźniavolenamu źmianili režym z «chimii» na papraŭčuju kałoniju, ale ŭžo 24 listapada 2021 hoda Čyhunačny sud Viciebska admoviŭ ŭ pieravodzie muzyki ŭ kałoniju.
