Pra heta ŭ siabie ŭ Fejsbuku raspavioŭ staršynia Małaryckaha rajvykankama Michaił Bacenka.
«Siońnia nočču pad ranicu ŭ Makranach zahareŭsia dom. Mama i tata ŭ hety čas znachodzilisia na pracy (jany pracujuć žyviołavodami). U domie zastalisia troje dziaciej. Adbyŭsia pažar. Spracavaŭ aŭtanomny pažarny apaviaščalnik, razbudziŭ dziaciej. 14-hadovy Bahdan raźbiŭ škłopakiet i vyratavaŭ siastryčak. Ciapier Bahdan sa starejšaj siastroj znachodziacca ŭ balnicy», — raspavioŭ kiraŭnik rajvykankama i paabiacaŭ, što voźmie pad asabisty kantrol dapamohu siamji.
Bahdan vynies trochhadovuju Jevu i šaścihadovuju Palinu. Kali raźbiŭ akno, jon parezaŭ ruki, i ciapier znachodzicca ŭ chirurhičnym addzialeńni.
Adviedać chłopca i skazać jamu słovy padziaki pryjšli staršynia Małaryckaha rajvykankama Michaił Bacenka i dyrektar AAT «Makrany» Siarhiej Ściepaniuk. Čynoŭniki ŭručyli chłopčyku padarunak — noŭtbuk.
