U adkazie havorycca, što ahulnaja kolkaść vojskaŭ i ŭzbrajeńniaŭ, jakija ŭdzielničajuć u ciapierašnich vučeńniach, nie pieravyšaje parohaŭ, vyznačanych Vienskim dakumientam ABSE.
Pry hetym adznačajecca, što
šerah rasijskich padraździaleńniaŭ vykonvajuć zadačy pa-za miežami vučeńniaŭ — u pryvatnaści, achoŭvajuć paŭdniovuju miažu Biełarusi, dzie achovu nibyta niemahčyma ŭzmacnić za košt biełaruskich vojskaŭ.
Taksama adznačajecca, što
ŭsie rasijskija vajskovyja padraździaleńni paśla vučeńniaŭ źbirajucca pakinuć terytoryju Biełarusi, a «paradak vyvadu vojskaŭ znachodzicca ŭ stadyi ŭzhadnieńnia».
Pavodle biełaruskich uładaŭ, jany dali dastatkovuju infarmacyju pra vučeńni i zaprasili naziralnikaŭ i miedyja «z 17 krain».
9 lutaha Litva, Łatvija i Estonija dasłali zapyt Biełarusi z patrabavańniem patłumačyć vajskovuju aktyŭnaść na jaje terytoryi i dać adkazy ŭ ramkach Vienskaha dakumienta ABSIE.
Vienski dakumient ab mierach umacavańnia davieru i biaśpieki, pryniaty ŭ 2011 hodzie, vyznačaje, što ŭsie krainy — udzielnicy pahadnieńnia abaviazanyja supracoŭničać adnosna «luboj niezvyčajnaj i niezapłanavanaj dziejnaści ich vajskovych siłaŭ pa-za miescami ich zvyčajnaj dysłakacyi ŭ mirny čas». Adpaviedna ź im treba infarmavać inšyja krainy i zaprašać naziralnikaŭ, kali ŭ vučeńniach biare ŭdzieł 13 tysiač i bolš vajskoŭcaŭ.
Bałtyjskija krainy adznačali, što ŭ pazačarhovyja maštabnyja vajskovyja vučeńni ŭciahnutyja praktyčna całkam uzbrojenyja siły Biełarusi, pry hetym dziaržavam — členam ABSE była pradastaŭlenaja vielmi abmiežavanaja infarmacyja. Niama infarmacyi ni pra dakładnuju kolkaść vojskaŭ, ni pra ŭzbrajeńnie, jakoje budzie vykarystoŭvacca, ni pra płanavanuju datu viartańnia rasijskich vojskaŭ.
Čytajcie taksama:
Ctaršynia Abjadnanaha kamiteta načalnikaŭ štaboŭ ZŠA patelefanavaŭ načalniku Hienštaba Biełarusi
Jahor Lebiadok: Da 2026-2028 hadoŭ vierahodnaść vajny ŭ našym rehijonie składzie dva z troch
NATA: Rasija pierakinuła ŭ Biełaruś 30 tysiač sałdat
«Maleńkaja pieramožnaja vajna» z Ukrainaj: ci dapamahła b jana Łukašenku?
Rasijskija vojski prybyvajuć u Biełaruś — kolki, z čym i navošta?
